மருத்துவம் பேசுகிறது !

மாதவிடாய் பிற்போகுதல்

2011-07-26T20:23:00.000-07:00

வணக்கம் மேடம்
நான் திருமணமாகாத கல்லூரி மாணவி. நான் கடந்த எட்டு மாதங்களுக்கு
முன் ஒரு விபத்தில் சிக்கி எனது காலில் பலத்த அடி காரணமாக சதை
பிய்த்துவிட்டது நிறய ரத்தம் விபத்தில் சேதமாகிவிட்டது காலில் பிளாஸ்டிக்
அறுவை சிகிச்சை செய்யப்பட்டுள்ளது.அதோடு பெல்விஸ் எனப்படும் காலும்
இடுப்பு எலும்பும் இணையுமிடத்தில் எலும்பு முறிவு அது பெட் ரெஸ்டில்
சரியாகிவிட்டது. கடந்த 3 மாதங்களூக் முன்பு வரை மாதவிடாய் சரியாக வந்து
கொண்டிருந்தது ஆனால் கடந்த 3 மாதமாக மாதவிடாய் ஆகவில்லை இதே போல்
எப்பவாவது ஒரு முறை பிரச்சணை இருக்கும் 2மாதம் மாதவிடாய் ஆகாமல் இருந்து
மறுபடி ஆவேண் ஆணால் இந்த முறை 3 மாதங்களாகியும் ஆகவில்லை. என்ன காரணம்
என்று கொஞ்சம் விளக்குங்கள் . நான் எந்த தவறும் செய்யவில்லை . கடந்த ஆறு
மாதங்களாக நன்றாக நடக்க முடியாத நிலை விபத்தின் காரணமாக தற்பொது நன்றாக
நடக்கிரேண் . கொஞ்சம் எடை கூடியுள்ளது தயவுசெய்து என்ன செய்யட்டும் என்று
என் MAIL ID கு தமிழில் பதில் அளியுங்கள்.

பதில்

நல்லது சகோதரி.

மாதவிடாய் ஏற்பட்டுக்கொண்டிருக்கும் ஒரு பெண்ணிற்கு மாதவிடாய் பிந்திப்போவதற்கு

பல்வேறு விதமான காரணங்கள் இருக்கலாம்.

அதிலே முக்கியமான ஒரு காரணி மன உளைச்சல் ஏற்படுவதாகும்.கடந்த மூன்று

மாத காலமாக உடல் சுகவீனமுற்று இருந்த உங்களுக்கு ஏற்பட்டிருந்த மன உளைச்சல் காரணமாக மாதவிடாய் பிற்போகி இருக்கலாம்.

இது ஒரு சாதாரண நிகழ்வு உங்கள் உடல் நிலையும் மன நிலையும் பழைய நிலைக்குத் திரும்பும் போது மாதவிடாயும் சீராகும்.

ஆனாலும் உங்க்கள் உடல் நிறை அதிகரித்து உள்ளதாக கூறியுள்ளதோடு முன்பும்

ரெண்டு மாதமளவில் மாதவிடாய் பிந்திப் போவதாக கூறியுள்ளதால் உங்களுக்கு

சூலக நீர்க்கட்டிகள் பிரச்சினை (PCOD)இல்லை என்பதை உறுதிப்படுத்திக் கொள்ளுவது நல்லது.

அதுபற்றி இந்த இடுகையில் பார்க்கவும்.

நீங்கள் ஒரு பெண் நோயியல் மகப்பேற்று நிபுணரை சந்திப்பது நல்லது.

பித்தப் பைக்கற்கள் (Gallstone)

2011-07-14T06:32:00.000-07:00

பித்தப் பை (Gall bladar)எனப்படுவது எமது உடலிலே பித்தத்தை(bile) தற்காலிகமாக சேகரிக்கும் உறுப்பாகும்.

இவ்வாறு பித்தைப்பையிலே சேகரிக்கப்படும் பித்தமானது ஒரு குழாய் மூலம் சிறுகுடலை வந்தடைந்து
உணவு சமீபாட்டிற்கு உதவும்.

பித்தத்தில் உள்ள சில பதார்த்தங்களின் சேர்க்கையால் கற்கள் உருவாகலாம்.
இவை பொதுவாக பித்தப் பைக் கற்கள் எனப்படும்.

இந்தக் கற்கள் பித்தப் பையினுள்ளே காணப்படலாம் அல்லது பித்தக் குழாயினுள்ளே (பித்தத்தை
பித்தப் பையிலிருந்து சிறுகுடலுக்கு கொண்டு சேர்க்கும் குழாயினுள்ளே ) காணப்படலாம்.

பித்தப் பைக் கற்கள் ஏற்படும் சந்தர்ப்பத்தை அதிகமாக கொண்டவர்கள்.

பெண்கள்
உடற் பருமனானவர்கள்
நாற்பது வயதுக்கு மேற்பட்டவர்கள்

பித்தப் பைக் கற்கள் உள்ள எல்லோரிலும் அவை பாதிப்பை ஏற்படுத்துவதில்லை.

அதாவது பித்தப் பைக் கற்கள் உள்ளவர்களில் சில பேரிலே அது பாதிப்பை ஏற்படுத்த மற்றவர்கள் வாழ்க்கை முழுவதும் சாதாரணமானவர்களாக இருப்பார்கள்.

பித்தப் பைக் கற்கள் ஏற்படுத்தக் கூடிய பாதிப்புக்கள்...

பித்தப்பைக் கிருமித் தோற்று
பித்தக் குழாய் அடைப்பு
சதையி அலர்ச்சி

இந்தக் கற்கள் ஏற்படுத்தும் பாதிப்பின் தன்மையைப் பொறுத்து அவற்றினால்
ஏற்படும் பாதிப்புக்களும் வேறுபடலாம்.

பித்தப் பைக் கற்களினால் ஏற்படும் வலியானது வயிற்றின் வலது பக்க மேல் மூலையில் ஏற்படும். இந்த வலியானது தோற்பகுதிக்கு பரவிச் செல்லுவது போன்ற உணர்வினையும் ஏற்படுத்தும்.

பித்தப் பைக் கிருமித் தோற்று ஏற்பட்டவர்களில் காய்ச்சலும் ஏற்படும்.

பித்தப் பைக் குழாயில் பூரணமான அடைப்பு ஏற்பட்டவர்களுக்கு பித்தப் பொருளான பிலிரூபின்(bilirubin) அதிகரித்து யோண்டீஸ் (jaundice)கண் மற்றும் உடல் மஞ்சள் ஆகும் என்ற நிலையம் ஏற்படும்.

மருத்துவம்

பித்தப் பைக் கற்கள் உள்ள எல்லோருக்கும் மருத்துவம் தேவைப்படுவதில்லை.

வலி அல்லது வேறு எந்த விதமான பாதிப்பும் ஏற்படாதவர்களுக்கு எந்தவிதமான
மருத்துவமும் தேவை இல்லை.

பித்தப் பை கிருமித் தொற்று, அல்லது மீண்டும் மீண்டும் வலி ஏற்படுபவர்களுக்கு
பித்தப் பைக் கற்கள் அகற்றப்பட வேண்டும். இதற்கான சத்திர சிகிச்சையின் போதுகற்களோடு சேர்த்து பித்தப் பையும் அகற்றப்படும்.

பித்தப் பைக் குழாயின் கீழ்ப் பகுதியில் கல் உள்ளவர்களுக்கு நேரடியாக கல் மட்டுமே அகற்றப்படலாம் . இது வாய் வழியின் ஊடாக கமராவுடன் கூடிய ஒரு குழாயினை செலுத்தி செய்யப்படலாம்.

பித்தப் பை அகற்றபடும் சத்திர சிகிச்சையானது இப்போது வயிற்றை வெட்டாமல் சிறிய துளை ஏற்படுத்தி செய்யப்படும் லப்பிரஸ்கோபி (Laparascopy) மூலம் இலகுவாக செய்யப்படலாம்.

பித்தைப்பை அகற்றப்பட்ட பின்பு கூட ஒருவர் எந்தப் பாதிப்பும் இல்லமால் சாதரணமாக வாழலாம்.

சளியோடு இரத்தம் வெளியேறுதல்

2010-12-18T20:59:00.000-08:00

இருமும் போது சளியுடன் இரத்தம் வெளியேறுதல் பல நோய்களால் ஏற்படலாம்.

சளியுடன் ரைத்தம் வெளியேறுதல் மருத்துவ ரீதியாக ஹீமொப்டிசிஸ் (Hemoptysis) எனப்படும்.

அவ்வாறான நோய்கள்

நியுமோனியா மற்றும் சுவாசப்பைக் கிருமித் தொற்றுக்கள்
காசநோய் (T.B)
சுவாசப்பை புற்று நோய்கள்

இவை தவீர இன்னும் ஏராளமான அரிதான நோய்கள் இருக்கின்றன.

ஆனாலும் சளியுடன் ரத்தம் வெளியேறும் ஒருவருக்கு மேலே சொன்ன நோய்களில் எதுவும் இல்லை என்பது உறுதிப் படுத்தப்பட வேண்டும். ஆகவே உங்களுக்கு ஒருதடவையேனும் சிறிதளவான அளவு இரத்தம் சளியோடு வெளியேறினால் கூட உடனடியாக வைத்தியரிடம் செல்ல வேண்டியது அவசியமாகும்.

ஒவ்வொரு வயதிலும் ஏற்படும் முதிர்ச்சி படிகள் (பெற்றோர்கள் அறிந்து கொள்ள வேண்டியது)

2010-12-16T18:23:00.000-08:00

ஒரு குழந்தை, எப்போது நடக்கும் , தவழும் , பேசும் , போன்ற எதிர்பார்ப்பு குழந்தை பிறக்கும் போதே பெற்றோருக்கும் பிறது விடும்.

உண்மையில் ஒரு குழந்தையின் வளர்ச்சியானது ஒரு படிமுறையாக கட்டமைக்கப் பட்டதாகும். குறிப்பிட்ட காலத்தில்தான் ( வயதில்) குறிப்பிட்ட செய்முறைகளை செய்வதற்குரிய ஆற்றல் அந்தக் குழந்தைக்கு உருவாகும்.

இவ்வாறு ஒவ்வொரு வயதிலும் ஒரு குழந்தை அடைய வேண்டிய ஆற்றல் அந்த வயதிற்குரிய வளர்ச்சி எல்லை (mile stone ) எனப்படுகிறது.

அதாவது ஒரு எட்டு மாதக் குழந்தையின் வளர்ச்சி எல்லையானது (mile stone) தாவழப் தொடங்குதல் .

இவ்வாறு மனிதனின் வளர்ச்சி எல்லை நான்கு முக்கிய பிரிவுகளில் நடைபெறுகிறது.

அசைவு சம்பந்தமான வளர்ச்சி (தவழுதல், நடத்தல், ஊடுதல்)(GROSS MOTOR)
சமூகத்தோடு ஐக்கியமாகும் வளர்ச்சி( சிரித்தல், கையசைத்தல், )(SOCIAL)
நுணுக்கவேலைகள் மற்றும் பார்வை(FINE MOTOR)
பேச்சு மற்றும் செவிப்புல வளர்ச்சி(SPEECH AND HEARING )

இந்த இடுகையில் முதலாவது பிரிவில் ஏற்படுகின்ற வளர்ச்சிப் படிமுறைகளை பார்ப்போம்.

தலைய நேராக வைத்திருத்தல் (head control ) ------- 4 மாதம்
குழந்தை உடம்பை சுழற்றுதல்(குப்புறப் படுத்தல்) ------- 3 - 6 மாதம்
துணையாக நாம் பிடித்துக் கொள்ளும்போது இருத்தல் -------5 மாதம்
எந்தத் துணையும் இல்லாமல் இருத்தல் ------- 6மாதம்
தவழுதல் -------- 8மாதம்
எழுந்து நிற்றல் -------- 9மாதம்
பிடித்துக் கொண்டு நடத்தல் ---------10மாதம்
துணையின்றி நடத்தல் ---------12மாதம்
ஓடுதல் -------- 15மாதம்
ஒரு பந்தை உதைத்தல் -------- 24மாதம்
மூன்று சக்கரங்களைக் கொண்ட வண்டியை மிதித்தல் --------36மாதம

மூன்று மாதம் வயதுடைய குழந்தை செய்ய வேண்டியவை..

அசைவு சம்பந்தமான செயற்பாடுகள்

தலையை நிமிர்த்தி வைத்திருக்கும் திறன் .
குப்புறப் படுத்திருக்கும் போது தலை மற்றும் நெஞ்சினை உயர்த்துதல
அசையும் பொருள் அல்லது நபர்களை தொடர்ச்சியாக பார்த்தல்

உணர்ச்சி மற்றும் சிந்தனை சம்பந்தமானவை

ஒலி வரும் திசையை நோக்கி தலையைத் திருப்புதல்
நீங்கள் ஒலி எழுப்பி விளையாட்டுக் காட்டுவதை உணர்ந்து ரசித்தல்
நீங்கள் சிரிக்கும் போது பதிலுக்குச் சிரித்தல்

ஆறு மாதக் குழந்தையின் திறன்கள்

அசைவு சம்பந்தமானவை

இருத்தி வைக்கும் போது தலையை நேராக வைத்திருத்தல்
தூரத்தில் இருக்கும் விளையாட்டுப் பொருட்களை எட்டிப் பிடித்தல்
சூப்பிப் போத்தலைப் பிடித்து பால் குடிக்க முயற்சித்தல்
விளையாட்டுப் பொருட்களை ஒரு கையில் இருந்து இன்னொரு கைக்கு மாற்றுதல்
தானாக எழுந்து இருத்தல் உடம்பை உருட்டிக் கொண்டே அசைதல்

உணர்ச்சி மற்றும் எண்ணம் சம்பந்தமானவை

சாப்படைக் கொடு போகும் போது வாயைத் திறத்தல்
மற்றவர்கள் செய்யும் சிறிய செயல்களை திருப்பிச் செய்ய முயற்சித்தல்

பேச்சு

நெருக்கமானவர்களின் முகங்களை அறிந்து கொள்ளுதல்
தொந்ததரவுக்கு உள்ளாகும் போது அழுதல்
கண்ணாடியில் தன் முகத்தையே பார்த்து சிரித்தல்

ஒரு வயதுடைய குழந்தையின் திறன்கள்

அசைவு சம்பந்தப்பட்டது

சூப்பியில் இருந்து கோப்பையினால் குடிக்கப் பழகுதல்
சிறிய உணவுத்துண்டுகளை தானாகவே எடுத்து வாயில் வைத்துச் சாப்பிடுதல்
துணையின்றி சில அடிகள் நடத்தல்

உணர்ச்சி சம்பந்த பட்டவை

மற்றவர்கள் செய்யும் செயற்பாடுகளை தானும் செய்ய முயற்சித்தல்
இசையை கேட்டு சிறிய உடல் அசைவுகளைக் காண்பித்தல்
தூரத்தில் உள்ள விளையாட்டுப் பொருட்களை தேடித் போய் விளையாட முயற்சித்தல்

பேச்சு

அம்மா அப்பா தவிர்ந்த வேறு ஒரு வார்த்தையை பேசத் தொடங்குதல்
வீட்டில் உள்ள மற்றவர்களின் பெயர்களை அறிந்து கொள்ளுதல்
மற்றவர்களோடு பேச முயற்சித்தல்
வீட்டில் உள்ளவர்களோடு நெருக்கமாகப் பழகி வெளியாட்களோடு அன்னியத்தைக் காண்பித்தல்
பெரியவர்கள் சொல்லும் சிறிய சிறிய கட்டளைகளை உணர்ந்து கொள்ளுதல்

அப்பன்டிசைட்டிஸ்(Appendicitis)

2010-12-08T23:07:00.000-08:00

அப்பன்டிக்ஸ்(Appendix) எனப்படுவது நமது பெருங்குடலோடு சேர்ந்திருக்கும் ஒரு சிறிய உறுப்பாகும்.இது நமது உடலிலே எந்தவிதமான தொழிலையும் செய்வதில்லை.இது நமக்குத் தேவை இல்லாத ஒரு உறுப்பாகும். சிலவேளைகளில் இதிலே கிருமித் தொற்று ஏற்பட்டு பிரச்சனைகளை ஏற்படுத்தலாம்.இதிலே ஏற்படும் கிருமித் தொற்றினால் அலர்ச்சி ஏற்படுவது அப்பன்டிசைட்டிஸ்(Appendicitis) எனப்படும்.

தொற்று ஏற்பட்ட உறுப்பு(அப்பன்டிசைட்டிஸ் )

இதன் அறிகுறிகள்

மெலிதான காய்ச்சல்
வாந்தி
பசிக்குறைவு
வயிற்று வலி

இதனால் ஏற்படும் வயிற்று வலி ஆரம்பத்திலே தொப்புளைச் சுற்றி ஏற்பட்டு பிறகு கொஞ்சம் கொஞ்சமாக வலது பக்க அடி வயிற்றை நோக்கி நகரலாம். சில பேரில் இந்த மாற்றம் சரியாக விளங்காமல் நேரடியாக வலது பக்க அடிவயிற்று வழியே ஏற்படலாம்.

இந்த நோயை வைத்தியர் நோயாளியை பரிசோதிப்பதன் மூலம் ஓரளவுக்கு உறுதிப் படுத்திக் கொள்வார். .இதை உறுதிப் படுத்துவதற்கான வேறு விசேஷமான பரிசோதனைகள் தேவை இல்லை.

குறிப்பாக வலது பக்க அடி வயிற்றிலே கையினால் அழுத்தும் போது ஏற்படும் வழியை விடஅழுத்திய கையை சடுதியாக எடுக்கும் போது வலி அதிகரிக்கும்.இது Rebound tenderness எனப்படும்.இவ்வாறான

வலி ஏற்பட்டால் அது அப்பன்டிசைட்டிஸ் ஆக இருக்க சந்தர்ப்பம் அதிகம்.

வைத்தியர் ஏற்பட்டிருப்பது இந்த நோய்தான் என்று நினைத்தால் சத்திர சிகிச்சை செய்து அந்த உறுப்பு நீக்கப்படும்.

சில பேரிலே தொற்று ஏற்பட்டு அந்த உறுப்பைச் சுற்றி சீழ் கட்டிக் -கொள்ளும்.அவ்வாறானவர்களில்சத்திரசிகிச்சை செய்வது ஆபத்தானது.அவர்களுக்கு அண்டி பயட்டிக்ஸ்(Antibiotics) கொடுக்கப்பட்டு சில

வாரங்களின் பின் சத்திர சிகிச்சை செய்யப்படும்.

மஞ்சள் காமாலை

2010-12-07T21:23:00.000-08:00

மஞ்சள் காமாலை அல்லது செங்கண்மாரி எனப்படுவது ஒரு வகை வைரசினால் ஏற்படுகின்றது.இது எமது கல்லீரலைத்(Liver) தாக்கி அதிலே அலர்ச்சியைஏற்படுத்தும் ஒரு நோயாகும்.

இது ஹெப்பட்டைட்டிஸ் A,B,C,D,E என பல்வேறு வகையான வைரசுக்களால் ஏற்படலாம்.

ஒவ்வொரு வைரசின் தாக்கமும் நோய் நிலைமையும் வேறு வேறானவை.

பொதுவாக ஏற்படுகின்ற நோயானது Hepatitis A (ஹெப்பட்டைட்டிஸ் A ) எனப்படும் வைரசினால் ஏற்படுகிறது.

இது உணவின் மூலமே பரவும்.

மாறாக ஹெப்பட்டைட்டிஸ்B வைரஸ் உடலுறவு மூலமும் குருதி பரிமாற்றம் மூலமும் பரவும்.

ஹெப்பட்டைட்டிஸ்A வைரஸ் பொதுவாக சிறுவர்களை அதிகமாகத் தாக்கும் அதேவேளை எல்லா வயதினரையும் இது தாக்கலாம்.

இதன் (Hepatitis A) அறிகுறிகள்

காய்ச்சல்
உடம்பு நோ
வயிற்றின் மேல்ப் பகுதியில் வலி
வாந்தி
கண்கள் ,உள்ளங்கை போன்றவை மஞ்சள் நிறமாக மாறுதல்

இந்த நோய் தானாக சுகமாகி விடும்.ஆனாலும் வாந்தி,காய்ச்சல், உடம்பு வலி என்பவற்றை நீக்க சில மாத்திரைகள் தேவைப்படும்.

ஹெப்பட்டைடிஸ் A ஏற்பட்ட ஒருவருக்கு சுகமான பின் எந்தவிதமான பாதிப்பும் ஏற்படாது.

மேலும் மீண்டும் ஒருமுறை இந்த நோய் ஏற்படுவதற்கும் சந்தர்ப்பம் இல்லை.

அதாவது ஹெப்பட்டைடிஸ் A வைரஸ் தாக்கம் வாழ்வில் ஒருமுறைதான் ஏற்படும்.

சிறுநீரக செயல் இழப்பு 2

2010-12-07T03:08:00.000-08:00

சிறுநீரக செயல் இழப்பு சடுதியானதாக(acute renal failure) இருக்கலாம் அல்லது நாட்பட்ட செயல் இழப்பாக(chronic renal failure0 இருக்கலாம்.

சடுதியான செயல் இழப்பு பற்றி இந்த சுட்டியில் பார்த்தோம்.

இன்று நாட்பட்ட செயல் இழப்பு பற்றி இந்த இடுகையில் பார்ப்போம்.

நாட்பட்ட சிறுநீரக செயல் இழப்பு(chronic renal failure).

சில நீண்ட கால நோய்கள் சிறுநீரகத்தை பாதித்து நிரந்தரமான முறையில் அதன் தொழிற்பாட்டைக் குறைத்தல் நாட்பட்ட சிறுநீரக செயல் இழப்பு எனப்படுகிறது. முக்கியமாக கவனிக்க வேண்டிய விடயம் இதிலே ஏற்படும் பாதிப்பானது நிரந்தரமானது மாறாக சடுதியான சிறுநீரக செயல் இழப்பானது தற்காலிகமானது.

நாட்பட்ட சிறுநீரக செயல் இழப்பை ஏற்படுத்தும் காரணிகள்

உயர் குருதிமுக்கம்

நீரழிவு

நீரழிவு மற்றும் உயர் குரிதியமுக்கம் என்பவை சரியாக கட்டுப் பாட்டுக்குள் வைக்கப் படாவிட்டால் நாளடைவில்

அவை சிறுநீரகத்தைப் பாதிக்கும். இவையே சிறுநீரக செயல் இழப்பை ஏற்படுத்தும் மிகவும் பொதுவான காரணிகளாகும்.

இவை தவீர வேறு சில நோய்களும் சிறுநீரக செயல் இழப்பை ஏற்படுத்தலாம்.அவை அரிதாகவே ஏற்படுகின்ற நோய்களாகும்.

அவையாவன

சிறுநீரகத்தில் நீர்க்கட்டி தேங்கும் பரம்பரை நோய்(polycystic kidney disease)

சிறுநீரக கலங்களின் அலர்ச்சி(chronic glomerular nephritis)

சிறுநீரகப் பாதையில் ஏற்படும் கல் அடைப்பு போன்றவை

நாட்பட்ட சிறுநீரக செயல் இழப்பிலும் சடுதியான செயல் இழப்பினால் ஏற்பட்ட அனைத்து விதமான பாதிப்புக்களும் ஏற்படலாம்.

அவையாவன

குருதியில் பொட்டாசியம் அதிகரித்து இதயம் பாதிக்கப் படல்

குருதியில் நச்சுப் பதார்த்தங்கள் சேருதல்

குருதி அமிலமாகுதல்(acidosis)

உடம்பில் அதிகமான நீர் தேங்குதல்

இவை தவீர நாட்பட்ட செயல் இழப்பினால் எலும்புகளிலே கல்சியம் குறைந்து எலும்பு வலி ஏற்படலாம்

உடம்பிலே விட்டமின் D குறையும்

குருதியில் செங்குருதிக் கலங்கள் குறைந்து குருதிச் சோகை ஏற்படலாம்.

மேற்சொன்ன பாதிப்புக்கள் மூலமாக ஏற்படக் கூடிய சில அறிகுறிகள்

பசிக் குறைவு

உடம்பு வலி

உடம்பின் நிறம் சற்றுக் கருமையாகுதல்

உடலுறவில் நாட்டம் குறைதல்

குருதிச் சோகையினால் அதிகமான களைப்பு

கைகால் ,வயிறு மற்றும் முகம் வீங்குதல் போன்றவை

இந்த நோய் ஏற்பட்டவர்கள் நோயின் தீவிரம் அதிகரிப்பதைத் தவீர்ப்பதற்கு நீரழிவு மற்றும் உயர் குருதியமுக்கத்தை கட்டுப்பாடாக வைத்திருக்க வேண்டும்.

வைத்தியரின் ஆலோசனைப் படி சில உணவுக் கட்டுப் பாடுகளை மேற்கொள்ள வேண்டும்

குருதிக் கலங்களை உற்பத்தி செய்யும் எரித்திராப் போயிட்டின் (erythropoeitin)எனும் கார்மோனை(Hormon) ஊசி மூலம் பெற்றுக் கொள்ளலாம்.

விட்டமின் மாத்திரைகளையும் ,கல்சியம் மாத்திரைகளையும் எடுப்பதன் மூலம் எலும்புப் பாதிப்பை தவீர்க்கலாம்.

குருதியிலே நச்சுப் பதார்த்தங்கள் அதிகரிக்கும் போது டயாலிசிஸ் மூலம் குருதி சுத்தம் செய்யப்படலாம். எத்தனை நாளைக்கு ஒருதடவை டயாலிசிஸ் செய்யப் பட வேண்டும் என்பதை நோயின் தீவிரத்தைப் பொறுத்து

வைத்தியர் தீர்மானிப்பார்

இறுதியாக சிறுநீரக மாற்றீடு தீர்வாக அமையும். ஆனாலும் நீரழிவு நோயினால் சிறுநீரகம் பாதிக்கப் பட்டவர்களுக்கு சிறுநீரக மாற்றீடு செய்யப் படுவதில்லை..

திருமணம் முடிக்கப் போகும் /கருத்தரிக்க காத்திருக்கும் பெண்கள் அறிய வேண்டியது

2010-12-06T19:00:00.000-08:00

போலிக் அசிட் எனப்படுவது ஒருவகை விட்டமின். இது கர்ப்பம் தரிக்கும் நேரத்திலே உடம்பில் போதிய அளவிலே இருக்க வேண்டும். இது குறைபாடாக உள்ள பெண்கள் கர்ப்பம் தரிக்கும் போது கருவிலே உள்ள குழந்தையின் மூளை மற்றும் முன்னான் வளர்ச்சி பாதிக்கப்படுவதால் கரு அழிந்து போவதற்கோ அல்லதுஅங்கக் குறைபாடான குழந்தை பிறப்பதற்கோ சந்தர்ப்பம் அதிகம் .

இதைத் தடுப்பது மிகவும் இலகு .கருத்தரிப்பதற்காக எதிர் பார்த்திருக்கும் பெண்கள் போலிக் அசிட் மாத்திரை ஒன்றை ஒருநாளைக்கு ஒன்று என்ற வீதத்தில் உட்கொண்டாலே போதுமானது. கருத்தரிக்க மூன்று மாதத்திற்கு முன்னமே இந்த மாத்திரையை எடுத்துக் கொள்வது நல்லது.

இந்த மாத்திரையை வைத்தியரின் துண்டு இல்லாமலேயே நீங்கள் வாங்கிக் கொள்ளலாம். விலையும் மிகவும் கம்மி. கருத்தரித்த பின் தொடர்ந்து மூன்று மாதத்திற்கு இந்த மாத்திரை உட்கொள்ளப்பட வேண்டும்.கருத்தரித்து மூன்று மாதத்திற்கு பின் இந்த மாத்திரையை எடுக்க வேண்டியதில்லை.

ஆகவே திருமணம் முடிக்கப்போகும் பெண்களே திருமணம் முடித்தவுடன் குழந்தைக்காக முயற்சி செய்யப் போகிறீர்கள் என்றால் திருமணத்திற்கு முன்பே போலிக் அசிட் மாத்திரையை பாவியுங்கள்.

சிறுநீரக செயல் இழப்பு

2010-12-06T02:50:00.000-08:00

சிறுநீரகம் (Kidney)நமது உயிர்வாழ்க்கைகுத் தேவையான முக்கியமான உறுப்பாகும்.

இதன் தொழில்கள் ,

1.குருதியில் இருந்து கழிவுகளை வெளியேற்றுதல்
2.உடலில் நீரின் அளவை சரியான அளவில் வைத்திருத்தல்
3.உடலில் சோடியம் பொற்றாசியம் உட்பட்ட பல மூலகங்களை கட்டுப் பாட்டில் வைத்திருத்தல்
4.குருதியில் உள்ள செங்குருதிக் கலங்களின் உற்பத்தியை தூண்டும் ஹார்மோனை உற்பத்தி செய்தல்
5.குருதி அமுக்கத்தை கட்டுப் படுத்தல்

இவ்வாறு பல முக்கியமான செயற்பாடுகளை செய்யும் சிறுநீரகம் பல காரணங்களால் செயல் இழந்து போகலாம். இந்த செயல் இழப்பானது சடுதியானதாக (Acute renal failure) இருக்கலாம் அல்லது நாட்பட்டதாக(Chronic renal failure) இருக்கலாம்.

சடுதியாக ஏற்படும் சிறுநீரக செயல் இழப்பு(acute renal failure)

இதில் திடீரென சிறுநீரகத்தின் செயற்பாடு குறையும்.

இதை ஏற்படுத்தக் கூடிய காரணிகள்

1.சடுதியாக குருதியின் அளவு குறைதல் -குருதிப் பெருக்குக் காரணமாக
2.உடலில் இருந்து அதிகளவான நீர் வெளியேறுதல்-வயிற்றோட்டம் வாந்தி பேதி போன்றவை மூலம்
3.சிறுநீரகத்திற்கு இரத்தம் கொண்டு போகும் குழாய்களில் ஏற்படும் அடைப்புக்கள்
4.உடலில் பரவலான கிருமித் தொற்று(sepsis)
5.சிலவகை மருந்துகள் - பொதுவாக வலிநிவாரநிகளாக கொடுக்கப்படும்
NSAID எனப்படும் வகை மாத்திரைகள் .
6.சிலவகை நஞ்சுகளால் ஏற்படலாம் (நஞ்சு அருந்தியவர்களில்)
7.சிலவகை பாம்புக் கடி
8.எலிக்காய்ச்சல்

இப்படி ஏராளமான காரணங்களால் சிறுநீரகத்தின் செயற்பாடு சடுதியாக குறையலாம்.

இவ்வாறு சடுதியாக குறையும் சிறுநீரகச் செயற்பாடு அநேகமான சந்தர்ப்பங்களில் தற்காலிகமாதுதான்(மாறாக நாட்பட்ட சிறுநீரக செயல் இழப்பு நிரந்தரமானது)

சடுதியான சிறுநீரக செயல் இழப்பை ஏற்படுத்திய காரணி சரியாக்கப் பட்டால் மீண்டும் சிறுநீரகம் தன் செயற்பாட்டை பெற்று சாதாரண நிலையை அடையலாம்.

இதனால் ஏற்படும் அறிகுறிகளை ஒருவர் அறிவதற்கு முன்னமே வைத்தியரினால் அது அடையாளம்கண்டு பிடிக்கப்பட்டு விடும்.

ஆனாலும அந்த நேரத்தில் சிறுநீரக செயல் இழப்பை ஏற்படுத்தும் காரணிகளின் அறிகுறிகள் இருக்கும்.உதாரணமாக எலிக்காய்ச்சல், பாம்புக்கடி அதிகமான வாந்தி ,குருதிப் பெருக்கு இவ்வாறான பிரச்சினைகள் உங்களுக்கு இருக்கும்.

அது தவீர சிறுநீரக செயல் இழப்பு ஏற்படுவதை தொடர்ந்து உடம்பில் ஏற்படுகின்ற மாற்றங்களின்அறிகுறிகள் வெளிக்காட்டப் படும்.அவை சிலவேளைகளில் பாரதூரமானவை.

சிறுநீரக செயழ் இழப்பினால் ஏற்படக் கூடிய பாதிப்புக்கள்
1.குருதியில் நச்சுப் பதார்த்தங்கள் அதிகரித்தல்
2.பொட்டாசியம் ,சோடியம் போன்றவற்றில் கட்டுப்பாடு இல்லாமல் போதல்
3.உடலில் அளவுக்கதிகமாக நீர் தேங்குதல்
என்பவை முக்கியமான மாற்றங்கள்.
நச்சுப் பதார்த்தங்கள் மூலையில் பாதிப்பை ஏற்படுத்தலாம்.
சோடியம் ,பொட்டாசியம் என்பவற்றின் கட்டுப் பாடுகள் இல்லாமல் போவதால் பல செயற்பாடுகள் பாதிக்கப்படும் .குறிப்பாக பொட்டாசியம் அதிகரிப்பதால் இதயம் செயல் இழக்கலாம்.

மருத்துவம்

சடுதியான சிறுநீரகச் செயழ் இழப்பிற்கு மருத்துவ முறையில் முக்கியமாக 3 விடயங்கள்கருத்தில் கொள்ளப்படும்.

1.சிறுநீரக செயழ் இழப்பை ஏற்படுத்திய காரணியை நிவர்த்தி செய்தல்
2.சிறுநீரக பாதிப்பால் உடலில் ஏற்பட்ட பாதிப்புக்களை நிவர்த்தி செய்தல்
3.தொடர்ந்து சிறுநீரகம் மீண்டும் பழைய நிலைக்கு வரும் வரை வரக்கூடிய பாதிப்புக்களுக்கு முன் ஏற்பாடு எடுத்தல்.

அநேகமான சடுதியான சிறுநீரக செயழ் இழப்புக்கள் அதற்கான காரணியை நிவர்த்தி செய்யும் போது சரியாகி மீண்டும் பழைய நிலையை அடைந்துவிடும்.

ஆனால் அது பழைய நிலையை அடையும் வரை போதிய மருத்துவக் கண்காணிப்பு வழங்கப்பட வேண்டும்.உதாரணத்திற்கு பொட்டாசியம் குருதியில் அதிகரித்தால் அதை குறைத்து சரியான அளவிலே வைத்திருக்க மருந்துகள் கொடுக்கப்பட வேண்டும்.குருதியில் நச்சுப் பதார்த்தங்கள் அதிகரித்தால் அவற்றை டயாலிசிஸ் (Dialysis)எனப்படும் முறை மூலம் நீக்க வேண்டும்.

இவ்வாறு தற்காலிக கண்காணிப்புக்கள் சிறுநீரகம் மீண்டும் பழைய நிலையை அடையும் வரை வழங்கப் பட வேண்டும்.

நாட்பட்ட சிறுநீரக செயழ் இழப்பு பற்றி அடுத்த இடுகையில் ...

மேனியா எனப்படும் மன நோய்

2010-12-05T19:12:00.000-08:00

மேனியா (mania)எனப்படுவது ஒரு வகை மன நோய் .இந்த நோயின் ஒரு நிலைதான் ஹைப்போ மேனியா(Hypo mania) என்பதும்.சில வேளைகளில் இது டிப்பிரசன் (depression)எனப்படும் மனத் தாழ்வு நோயோடு மாறி மாறி வருவதாக இருக்கலாம்.அப்போது அது Bipolar disorderஎனப்படும்.

டிப்பிரசன்(depression) என்றால் என்ன என்று எல்லோரும் ஓரளவேனும் கேள்விப் பட்டு இருப்பீர்கள். மேனியா (mania)என்பாது அதற்கு எதிரான பல அறிகுறிகளைக் கொண்ட நோயாகும்.

1.இந்த நோய் ஏற்பட்டவர்கள் தங்களைப் பற்றி உயர்வான தன்னம்பிக்கை கொண்டவர்களாக இருப்பார்கள்.

2.அளவுக்கதிகமாக தொடர்ச்சியாக பேசுவார்கள்.

3.தொடர்ச்சியாக பேசினாலும் திடீர் திடீரென பேசுகின்ற விடயங்களை மாற்றிக் கொண்டே இருப்பார்கள்.அதனால்அவர்கள் தொடர்ச்சியாக பேசினாலும் ஒன்றோடு ஒன்று தொடர்பு இல்லாத விடயங்களயே பேசுவார்கள்.

4.தன் மீது கொண்ட அளவுக்கதிகமான தன்னம்பிக்கையினால் பல விதமான வேலைகளைத் தொடங்குவார்கள்.ஆனால் எந்த வேலையையும் சரியாக முடிக்காமல் இடையிலே விட்டு விட்டு அடுத்த வேலையைத் தொடங்கி விடுவார்கள்.

இருக்கிற வீட்டை விட நல்ல வீடு வேண்டும் என்று வீட்டை உடைத்து விட்டு கடைசியில் ஒரு வீடுகூட இல்லாமல் இருக்குமளவுக்கு இவர்களின் நடவடிக்கை இருக்கலாம்.

5.செக்ஸில் அளவுக்கதிகமான ஈடுபாடு கொண்டவர்களாக இருப்பார்கள்

6.உடுத்துகிற உடைகள் பளீச்சென்று எல்லோருக்கும் தெரிவதாக அணிவார்கள்.

7.அளவுக்கதிகமான அலங்காரம் செய்து கொள்வார்கள்.

8.ஒரே நேரத்தில் பல வேலைகளைச் செய்ய முற்பட்டு எந்த வேலையையும் முடிக்க மாட்டார்கள்.

இவர்களின் தொடர்ச்சியாக பேசும் ஆற்றல் காரணமாக அவர்கள் சாத்திரம் சொல்பவர்களாக வெளிக்காட்டப் பட முடியும்.

இந்த நிலையை தகுதியான ஒரு மன நிலை வைத்தியரின் உதவியுடன் சுகமாக்கிக் கொள்வதற்கான மருந்துகள்

உள்ளன.

குழந்தைப் பிறப்பின் பின் எத்தனை நாட்களுக்கு இரத்தம் போகும் ?

2010-12-05T06:38:00.000-08:00

கேள்வி

டாக்டர் எனக்கு குழந்தை பிறந்து ஒரு மாதமாகியும் தொடர்ச்சியாக இரத்தம் போகிறது.இவ்வாறு எத்தனை மாதம்

வரை இரத்தம் போகலாம்.?

பதில்

குழந்தை பிறந்து சில நாட்களுக்கு பெண்ணுறுப்பு வழியே இரத்தம் போன்ற திரவம் தொடர்ச்சியாக வெளிவரும்.

இது முற்று முழுதாக இரத்தம் அல்ல .இரத்தத்தோடு ,கருப்பையின் உட்பகுதியில் இருந்து பிரிந்து வரும் பகுதிகள்

போன்றவையோடு வேறு பல சுரப்புகளும் சேர்ந்து வெளிவரும். இது லோக்கியா ..எனப்படும். ஆரம்ப ஒரு வாரகலத்திற்குள்

இவ்வாறு வெளிவருவது சிவப்பு நிறமாக இரத்தம் போலவே இருப்பதால் அது ரெட் லோக்கியா எனப்படும்.

அதைத் தொடர்ந்து சில வாரங்களுக்கு அதன் நிறம் இள மஞ்சள் நிறமாகவும் பின்பு வெள்ளை நிறமாகவும் வெளியேறும்.

அப்படியல்லாமல் குழந்தை பிறந்த பின்பு தொடர்ச்சியாக இரத்தமே வெளியேறுகிறது என்று நினைப்பவர்கள் உடனடியாக

வைத்திய சாலைக்கு செல்ல வேண்டும். குழந்தை பிறந்து ஒரு நாளின் பின் இரத்தம் தொடர்ச்சியாக வெளியேறினால் கூட

அசாதாரணமானது.

நீரழிவு நோயாளிகள் கட்டாயம் அறிந்து கொள்ள வேண்டியவை 2

2010-12-04T20:38:00.000-08:00

நீரழிவு நோயானது பூரணமாக குணப்படுத்தப்பட முடியாதது என்பதை மீண்டும் மீண்டும் பல தடவை சொல்லி இருக்கிறேன். ஆகவே நீரழிவை பூரணமாக குணப்படுத்துகிறேன் என்று கூறும் மாற்று வழி வைத்தியர்களுடன் சென்று

ஏமாற வேண்டாம். .

ஆனாலும் நீரழிவு நோயாளிகளின் இரத்தத்தில் சீனியின் அளவை சாதாரண அளவுகளில் கட்டுப்பாடாக வைத்திருப்பதன் மூலம் அனைத்து விதமான பாதிப்பையும் தவீர்த்து நீண்ட நாட்கள் ஆரோக்கியமாக வாழலாம்.

எவ்வாறு சீனியைக் கட்டு பாட்டில் வைத்திருக்கலாம் என்று இந்த சுட்டியில் பார்க்கலாம்.

நீரழிவு நோயாளி குறைந்தது மாதம் ஒரு தடவையாவது இரத்தத்தில் சீனியின் அளவை அளந்து கொள்ள வேண்டும் .மாத்திரை எடுத்துக்கொண்டிருக்கும் ஒருவர் இவ்வாறு மாதமொருமுறை அளக்கும் போது சீனியின் அளவு

சடுதியாக அதிகரித்திருந்தால் அதற்கான காரணமாக,

எடுக்கின்ற மாத்திரைகளின் அளவு போதாமை
உணவிலே கட்டுப்பாடு இல்லாமை
அண்மையில் ஏற்பட்ட காய்ச்சல் போன்ற உடலிற்கு ஏற்பட்ட அழுத்தங்கள்

போன்ற பல வித காரணங்கள் இருக்கலாம்.இந்த சந்தர்ப்பத்தில் வைத்தியர் காரணத்தை ஆராய்ந்து மருந்தின் அளவை அதிகரிக்க வேண்டுமா என்று தீர்மானிப்பார்.

அதுதவீர நீரழிவு நோயாளிக்கு திடீரென ஏற்படும் சில உடற்பிரச்சினைகளின் போது சீனியின் அளவு சடுதியாக அதிகரிக்கும். உதாரணமாக ஏதாவது காய்ச்சல்,மாரடைப்பு, பெரிய காயங்கள், சத்திர சிகிச்சைக்கு உட்படுதல் போன்ற சந்தர்ப்பங்களில் சீனியின் அளவு சடுதியாக அதிகரிப்பதால் அந்தப் பிரச்சினைக் காலத்தில் மருந்தின் அளவு அதிகரிக்கப் பட வேண்டும். சிலவேளைகளில் தற்காலிகமாக இன்சுலின் ஊசி ஏற்ற வேண்டி வரலாம்.

ஆனாலும் அந்தப் பிரச்சினை தீர்ந்தவுடன் மீண்டும் பழைய அளவு மாத்திரைகளுக்கு மாறி விடலாம்.

ஆகவே நீங்கள் நீரழிவு நோயாளி என்றால் மாதம் ஒருமுறை சீனியின் அளவை கட்டாயம் அளந்து பாருங்கள். அதேவேளை உங்கள் உடலில் ஏதாவது பிரச்சினை ஏற்பட்டால் (காய்ச்சல்,மாரடைப்பு, பெரிய காயங்கள் போன்றவை)

அந்த நேரத்திலும் உடனடியாக சீனியின் அளவை அளந்து கொள்ள வேண்டும். ஏனென்றால் அந்தப் பிரச்சினைகள் காரணமாக சீனியின் அளவு சடுதியாக அதிகரித்து அந்தப் பிரச்சனைகளை இன்னும் தீவிரமாக்கலாம்.

நீரழிவு நோயாளிகள் எல்லோரும் கட்டாயம் அறிந்திருக்க வேண்டிய விடயம் 1

கட்டுப்படுத்தப்பட முடியாத உணர்வுகள்-ஒரு மன நோய்

2010-12-04T19:21:00.000-08:00

நமக்கு எல்லோருக்கும் வாழ்க்கையில் சின்னச் சின்ன சந்தேகங்கள் எப்போது ஏற்படும்.வெளியே புறப்படும் போது வீட்டை சரியாக பூட்டினோமா ? கேஸ் ஆFப் பண்ணினோமா ?என்ற சந்தேகங்கள் எழுந்து மீண்டும் ஒ ருதடவை

பார்த்து விட்டுப் போவோம் .இது சாதாரண நிகழ்வு.

இதுவே அதிகமானால்?

அதாவது நீங்கள் வெளியே புறப்பட்டு சிறிது தூரம் போனவுடன் சந்தேகம் ஏற்பட்டு மீண்டும் போய்ப் பார்த்து விட்டு திரும்பவும் கொஞ்ச தூரம் போனவுடன் அதே சந்தேகம் ஏற்பட மீண்டும் போய் பூட்டைப் பார்ப்பதாக மீண்டும் மீண்டும் பல முறை செய்வது ஒரு மன நோய்.இது Obsessive-Compulsive Disorder எனப்படும்.

Obsession எனப்படுவது மீண்டும் மீண்டும் ஏற்படுகின்ற சிந்தனைகளைக் குறிக்கும் அதாவது வீடு பூட்டினோமா ? கை கழுவிநோமா? கையில் ஏதோ

கிருமி இருக்கிறதா? இவ்வாறு பல விதமாக மீண்டும் மீண்டும் சிந்தனைகள் ஏற்பட்டுக் கொண்டிருப்பது Obsession எனப்படுகிறது.இந்த சிந்தனைகள்

மீண்டும் மீண்டும் ஏற்படுவது அவர்களின் அன்றாட செயற்பாடுகளைப் பாதிப்பதுடன் அவரினால் கட்டுப் படுத்த முடியாதவையாகவும் இருக்கும்.

compulsion எனப்படுவது அவர்களுக்கு மீண்டும் மீண்டும் ஏற்படும் சிந்தனை -களுக்கு அச்சப்பட்டு அதற்கு செயல் வடிவம் கொடுத்தல்.அதாவது கையில் ஏதோ கிருமி இருக்கிறது என்று சிந்தனை எழுபவர்கள் மீண்டும் மீண்டும் கை கழிவிக் கொண்டே இருப்பது போன்றவை.இங்கு நான் குறிப்பிட்டுள்ளவை சில உதாரணங்களே .இது போல அவர்களுக்கு பல்வேறுவிதாமான சிந்த -னைகள் மீண்டும் மீண்டும் ஏற்படலாம்.

தீவிரமான நோயினால் பாதிக்கப்பட்டவர்களுக்கு இந்தச் சிந்தனைகள் தொடர்ச்சியாக ஏற்படும். தீவிரம் குறைந்தவர்களுக்கு தொடர்ச்சியாக ஏற்படாமல் விட்டு விட்டு சில காலங்களில் மட்டும் ஏற்படும். இந்த நோயால் பாதிக்கப்பட்டவர்கள் ஒரு மன நல வைத்தியரின் ஆலோசனையுடன் மருத்துவ முறைகளை மேற்கொள்ள வேண்டும்.

ஆரம்பத்தில் மன நிலை ரீதியாக நோயாளிக்கு மீண்டும் மீண்டும் ஏற்படும் சிந்தனைகளை கட்டுப் படுத்தும் பயிற்சி அளிக்கப்படும்.

இதற்கு சரிவராவிட்டால் மருந்துகள் பாவிக்கப்படும்...

வெளியேற வேண்டிய சாதாரண விந்தின் அளவு

2010-12-04T04:54:00.000-08:00

கேள்வி

டாக்டர் நான் சுய இன்பத்தில் ஈடுபடும் போது மிகவும் குறைவான அளவிலேயே விந்துகள் வெளியேறுவதாய் உணர்கிறேன்.

இதை எப்படி சரி செய்வது.(தயவு செய்து பெயர் வெளியிட வேண்டாம்)

பதில்

விந்து(Sperm) எனப்படுவது கண்ணுக்குத் தெரியாத அமைப்பு.அதை உங்கள் வெற்றுக் கண்ணால் பார்க்க முடியாது. வெளிவருகின்ற திரவம் சுக்கிலப்

பாயம்( Seminal fluid)எனப்படும். இதிலே விந்துகள் கலந்திருக்கும். விந்துகள் தவீர சுக்கிலப் பாயத்தில் விந்து உயிர்வாழ்வதற்குத் தேவையான

பல்வேறு பதார்த்தங்களும் கலந்திருக்கும்.ஒருதடவையில் வெளியேறும் சுக்கிலம் பாயத்தின் அளவு இரண்டு மில்லி லீட்டருக்கும்

அதிகமாக இருந்தால் அது சாதாரண அளவாகும்.2 மில்லி லீடர் என்பது மிகவும் சிறிய அளவு.அதனால நீங்கள் மனத்தைக் குழப்பிக் கொள்ள வேண்டாம்.

வைத்தியர் உங்கள் நோயினை கண்டு பிடிப்பது எப்படி

2010-12-04T00:50:00.001-08:00

ஒரு வைத்தியரிடம் நீங்கள் செல்லும் அடிப்படையில் அவர் முதலில் உங்களோடு உரையாடுவார் , பின்பு உங்களை சோதித்துப் பார்ப்பார்,பின்பு சில மருத்துவச் சோதனைகள் செய்யும் படி கேட்பார், பின்பு உங்களுக்குரிய மருந்துகளை கொடுப்பார்.

என்ன அடிப்படையில் மருத்துவர் உங்கள் நோயை இனங்காண்கிறார் என்பதைப்பற்றி ஒரு அடிப்படை அறிவைத் தருவதற்காகவே இந்தப் பதிவு.

முதலில் உங்களோடு உரையாடும் போது வைத்தியர் உங்கள் நோயின் அறிகுறிகளை மனதிலே குறித்துக் கொள்வார். அந்த அறிகுறிகளின் அடிப்படையில் உங்களுக்கு இருக்கக் கூடிய சாத்தியமான நோய்களை மனதிலே பட்டியல் இட்டுக் கொள்வார்.

இந்தப் பட்டியலில் உள்ள நோய்களில் உள்ள நோய்களின் போது உங்களுக்குத் தெரியாமலேயே உங்கள் உடலில் சில மாற்றங்கள் ஏற்படலாம். உங்களைச் சோதிக்கும் போது அப்படி ஏதாவது அவர் பட்டியல் இட்ட நோய்களுக்குரிய அடையாளங்கள் உள்ளதா என்று அவதானிப்பார். இப்போது உங்களுக்குத் சாத்தியமான நோய்களின் பட்டியல் சிறிதாகிவிடும். அதாவது நீங்கள் சொன்ன அறிகுறிகளை வைத்து அவர் மனதிலே உருவாகியஅந்த பட்டியல் உங்களை சோதித்த பின்பு இன்னும் சிறிதாகி இப்போது உங்களுக்கு சாத்தியமான ஒரு சில நோய்களில் உங்களுக்கு உண்மையில் என்ன நோய் இருக்கினறது என்று உறுதிப் படுத்திக் கொள்ள அவருக்கு குறிப்பிட்ட மருத்துவச் சோதனைகள் தேவைப் படலாம்.

உதாரணமாக ரத்தப் பரிசோதனைகள், சிறுநீர்ப் பரிசோதனை , எக்ஸ்ரே பரிசோதனை போன்றவை.சில நோய்கள் வெறுமனே உங்கள் அறிகுறிகள் மற்றும் வைத்திய உங்களைச் சோதிக்கும் போது காணும் அடையாளங்களை வைத்தே அறியப் பட்டு விடலாம்.அந்த நேரத்தில் எந்த விதமான மருத்துவப் பரிசோதனைகளும் இல்லாமலேயே உங்களுக்கு மருந்து வழங்கப் படலாம்.

இறுதியாக உங்கள் நோய் நிச்சயமாக உறுதிப் படுத்தப் பட்ட பின்பு, உங்கள் வயது, பால் , பொருளாதார நிலைக்கு ஏற்ப உங்களுக்குரிய மருந்துகளை வழங்குவார்.

அதாவது ஒரே நோய்க்கு பல விதமான மருந்துகள் இருக்கின்றன , சில சிருவர்கலிலே பாவிக்க முடியாது, சில கர்ப்பிணி பெண்களுக்கு கொடுக்க முடியாது , சில மருந்துகள் விலை உயர்ந்தவை எல்லோருக்கும் கொடுக்க முடியாது, சில பாலூட்டம் கொடுக்கும் அன்னையருக்கு கொடுக்க முடியாது, இவை எல்லாவற்றையும் கருத்தில் கொண்டே வைத்தியர் ஒருவருக்குரிய மாத்திரைகளை நிர்ணயிப்பார்.

எலிக்காய்ச்சல்

2010-12-03T22:49:00.000-08:00

எலிக்காய்ச்சல் எனப்படுவது ஆங்கிலத்திலே Leptospirosis எனப்படும். இது spirochete.எனப்படும் பக்டீரியா வகைய்நால் ஏற்படுகிறது.

இந்த நோய் பொதுவாக எலியில் இருந்தே மனிதனுக்குத் தொற்றும்.எலியில் இருந்து பக்டீரியாக் கிருமிகள் அதன் சிறுநீர் மூலம் நீரை சேரும்.இவ்வாறு பக்டீரியாக்கள் கலந்த நீர் எமது தோளிலே உள்ள சிறிய காயங்கள் மூலம் எமக்குத் தோற்றி நோயினை ஏற்படுத்தும்.இதனால் இது நீரிலே வேலை செய்யும் விவசாயிகள் ,பண்ணை யாளர்களுக்கே அதிகம் ஏற்படக்கூடிய

சந்தர்ப்பம் உள்ளது.ஆனால் குளங்களில் குளிப்பவர்களுக்கும் இது ஏற்படலாம்..

அறிகுறிகள்

இரண்டு கட்டமாக இதன் தாக்கம் ஏற்படலாம்.

முதற்கட்டம்

காய்ச்சல்,தலையிடி உடம்பு வலி ,குளிர் மற்றும் கண்கள் சிவத்தல்.இது சற்று சுகமாகுவது போன்ற உணர்வு ஏற்பட்டு மீண்டும்

சில நாட்களில் இரண்டாம் கட்ட பாதிப்பு ஏற்படும்

இரண்டாம் கட்டம்

இந்த நிலையில் ஆரம்ப அறிகுறிகள் மீண்டும் தொடங்குவதோடு மேலும் தீவிரமான பாதிப்புக்கள் ஏற்படலாம்.

இதன் போது இது ஈரல் ,சிறுநீரகம், மூளை,இதயம் போன்றவற்றை பாதிக்கலாம்.

ஈரல் பதிப்பதால் கண்கள் மஞ்சலாகலாம்(jaundice).

சிறுநீரக பாதிப்பால் சடுதியான சிறுநீரக செயல் இழப்பு ஏற்படலாம்.

மருத்துவம்

இது பாக்டீரியாவினால் நோய் என்ற படியால் சரியான நேரத்தில் கண்டுபிடிக்கப் பட்டால் அன்டி பயட்டிக்ஸ் மூலம் குணப்படுத்தப் படலாம்.

இது தவிர சிருகீரக் பாதிப்பு ,ஈரல் பாதிப்பு ஏற்படவர்களுக்கு மிகவும் தீவிரமான மருத்துவக் கண்காணிப்புத் தேவை.

டெங்குக் காய்ச்சல்

2010-12-03T19:49:00.000-08:00

டெங்குக் காய்ச்சலானது ஒருவகை வைரசினால் ஏற்படுகின்றது. இது
Aedes aegypti எனப்படும் நுளம்பினால் நோய் ஏற்பட்ட ஒருவரில் இருந்து இன்னொருவருக்குப் தோற்றும். அதாவது நோயாளியை கடித்த நுளம்பு உங்களைக் கடிப்பதன் மூலம் மட்டுமே இது உங்களுக்குத் தொற்றும்.அது தவிர வேறு எந்த முறைகளாலும் அது தொற்றினை ஏற்படுத்துவதில்லை.

அதனால் நோயாளியை உங்களில் இருந்து பிரித்து வைக்க வேண்டியதில்லை.

உங்களையும் நோயாளியையும் நுளம்புக் கடியில் இருந்து பாதுகாப்பதன் மூலம் இந்த நோய் பரவுவதைக் கட்டுப்படுத்த முடியும்.

டெங்குக் காய்ச்சல் பல்வேறு தீவிர நிலைமைகளைக் கொண்டது

1.சாதாரண காய்ச்சல்(uncomplicated dengue fever)

இதன் போது குருதியில் உள்ள platelet எனப்படும் குருதிச் சிருதட்டுக்களின் எண்ணிக்கை குறையும். சாதாரணமாக இது 150000 என்ற அளவிற்கு மேலே இருக்கும். தேங்கு நோயாளிகளில் இது படிப்படியாக குறையலாம். இது அளவுக்கதிகமாக குறைவதால் குருதிப் பெருக்குஏற்பட்டு அடுத்த கட்டத்திற்குச் செல்லும்.

அநேகமானவ்ர்களில் குறைந்த குருதிச் சிறுதட்டுக்கள் அடுத்த கட்டத்திற்கு போகும் முன்னமே மீண்டும் அதிகரித்து சாதாரண நிலையை அடைந்து நோய்

சுகமாகி விடும் பொதுவாக காய்ச்சல் மறைந்த பின்னும் குருதிச் சிருதட்டுகள் குறைவதால் காய்ச்சல் விட்ட பிறகும் சில நாட்களுக்கு வைத்திய சாலையில் இருக்க வேண்டி வரலாம்.

2.குருதிப் பெருக்குக் காய்ச்சல்(Dengue hemorragic fever)

இது குருதிச் சிறுதட்டுக்கள் குறைவதால் குருதி இரத்தக் குழாய்களில் இருந்து வெளியேறுவதால் ஏற்படும். இதன் போது குருதி இருமும் போது , சிறுநீர் கழிக்கும் போது அல்லது பெண்ணுறுப்பு வழியே வெளியேறலாம். அல்லது வயிற்றுக் குழி ,நெஞ்சுக் குழி மூளை போன்ற வெளித்தெரியாத இரத்தப் பெருக்காக இருக்கலாம்.

3.இறுதிநிலை டெங்கு(dengue shock syndrom)

இது அளவுக்கதிகமான குருதியில் உள்ள திரவங்கள் வெளியேறுவதால் குருதி செறிவாகுவதுடன் மொத்தக் குருதியின் அளவும்

குறைவதால் குருதி அமுக்கம் குறைவதால் ஏற்படும். இந்த நிலை மிகவும் தீவிரமானதும் இறப்பை ஏற்படுத்தக் கூடியதும்.

இவர்களுக்கு அதிதீவிர மருத்துவக் கண்காணிப்புத் தேவை.

டெங்குக் காய்ச்சலின் அறிகுறிகள்

குளிரான உணர்வுடன் காய்ச்சல்
தலையிடி
உடம்பு நோ
கண்களின் பின்னால்/கண்களை அசைக்கும் போது வலி
முகம் வெட்கத்தில் சிவந்தது போன்று மாறுதல்

மேற்சொன்னவை சாதாரண டெங்குக் காய்ச்சலின் அறிகுறியாகும்.

அப்போது ஒருவரின் ரத்ததத்தில் குருதிச் சிறுதட்டுக்கள் அளக்கப்பட வேண்டும். அது 100000 என்ற அளவை விடக் குறையும் போது

வைத்திய சாலையில் அனுமதிக்கப்பட வேண்டும்.

அடுத்த கட்டமான குருதிப் பெருக்கு காய்ச்சல் நிலையை அடையும் அனைவரும் வைத்திய சாலையில் அனுமதிக்கப்பட வேண்டும்.

இந்த நிலையின் அறிகுறி ஏதோ ஒரு வகையில் உடம்பிலிருந்து இரத்தம் வெளியேறுதல்.(இருமும் போது,சிறுநீருடன், மாதவிடாயுடன் அளவுக் -கதிகமான இரத்தப்போக்கு,முரசுகளில் இருந்து இரத்தம் வெளியேறுதல்)

ஆகவே காய்ச்சலோடு ஏதாவது பகுதியில் இருந்து இரத்தம் வெளியேறினால் உடனடியாக வைத்திய சாலைக்குச் செல்லுங்கள்.

மருத்துவம்

இது வைரசினால் ஏற்படுகின்ற காய்ச்சல் என்ற படியால் இதை சுகப்படுத்தக் கூடிய மருந்துகள் இல்லை.ஆனாலும் இது தானாக சுகமாகக் கூடிய நோயாகும்.

குருதிப் பெருக்கு ஏற்படுபவர்காலிலே தற்காலிகமாக குருதிச் சிறுதட்டுக்கள்(Platelets ) ஏற்றலாம்.

மற்றும் மிகவும் முக்கியமாக இவர்களுக்கு போதியளவு நீராகாரம் வழங்குவதன் மூலம் இந்த நோயின் தீவிரம் குறைக்கப் படலாம்.காய்ச்சல் ஏற்பட்ட அனைவரும் போதியளவு நீராகாரம் அருந்த வேண்டியது கட்டாயமாகும். அளவுக்கதிகமான வாந்தி மூலம் நீர் அருந்த முடியாதவர்களுக்கு செலைன் (Saline)மூலம் நீர் வழங்கப்

படவேண்டும்.

அதுதவீர காய்ச்சலைக் குறைக்க பரசிட்டமோல் பாவிக்கப்படலாம்.

காய்ச்சல் ஏற்பட்ட எவரும் NSIAD எனப்படும் வகையச் சேர்ந்த அஸ்பிரின்(Aspirin), டைக்குளோ போனிக் சோடியம்(Diclofenac), புருபன்(Brufen) , மேபினாமிக்

அசிட் (Mefinaamic acid) போன்ற மருந்துகளை வைத்தியரின் அனுமதி இன்றி உட்கொள்ள கூடாது.டெங்குக் காய்ச்சலின் தீவிரத்தை அவை

அதிகரித்து விடலாம்.

விந்தணுக்கள் குறைதல் அல்லது இல்லாமல் போதல்

2010-12-03T17:20:00.000-08:00

ஆண்களின் விந்தணுக்களில் அளவு(Sperm count) குழந்தை உருவாக்கத்தைத் தீர்மானிக்கும் முக்கிய காரணிகளில் ஒன்றாகும்.இந்த விந்தணுக்கள் ஆண்களின் விதைகளிலே உற்பத்தி செய்யப்பட்டு மற்றைய பல சுரப்பிகளின் சுரப்புகளோடு சேர்ந்து சுக்கிலப் பாயமாக(Seminal fluid) வெளியேறும்.

விந்தணுக்களின் உற்பத்தியிலே பாதிப்பு ஏற்பட்டாலும் மற்றைய சுரப்புக்கள் சாதாரணமான முறையிலே தொழிற்படுவதால் உடலுறவின் போது அவர்களுக்கு சுக்கிலப் பாயம் வெளியேறலாம்.சுக்கிலப் பாயம் வெளியேறும் அனைவரிலும் விந்துகளின் அளவு போதுமானதாக இருக்கும் என்றில்லை.
ஆகவே குழந்தை உருவாகுவது பிற்போகும் சந்தர்ப்பத்தில் ஆண்களின் சுக்கிலப் பாயம் சோதிக்கப்பட்டு அதிலே உள்ள விந்துகளின் வீரியத் தன்மை கணக்கடுக்கப் பட வேண்டும்.

விந்துகளின் வீரியத்தன்மை பிரதானமாக மூன்று விதங்களில் கணக்கெடுக்கப்படும்.

1.விந்துகளின் எண்ணிக்கை -
சாதாரணமாக 1மில்லி லீடர் சுக்கிலப் பாயத்தில் 20 மில்லியன் விந்தணுக்கள் இருக்க வேண்டும்

2.விந்துகளின் முன்னோக்கி அசையும் தன்மை (active motile)
மொத்தமாக உள்ள விந்துகளில் .குறைந்தது 50 வீதமானவை இந்தத் த்னமையைக் கொண்டிருக்க வேண்டும்

3.விந்துகளின் உருவ அமைப்பு(Morphology)
மொத்த எண்ணிக்கையில் குறைந்தது 30 வீதமானவை சரியான உருவ அமைப்பில் இருக்க வேண்டும்

.அத்தோடு ஒரு தடவையில் வெளியேறும் சுக்கிலப் பயத்தின் அளவு 2 மில்லி லீட்டருக்குக் குறையாமல் இருக்க வேண்டும்.

இவ்வாறு மேலே சொன்ன நிலையில் உள்ள விந்துகளே கருத்தரித்தலுக்கு மிகவும் பொருத்தமானவையாக கருத்தப்படும்.

விந்துகளின் எண்ணிக்கை குறைதல் ஒலிக்கோ ஸ்பேர்மியா (Oligospermi)எனப்படும். இவ்வாறனவர்களுக்கு கருத்தரிக்கும் சந்தர்ப்பம் இருந்தாலும் அது குறைவாகவே இருக்கும். கருத்தரித்தல் பிற்போகும் சந்தர்ப்பத்தில் இவர்களின் சுக்கிலப் பாயம் சேகரிக்கப்பட்டு பதப்படுத்தப்பட்டு (processed)பொருத்தமான விந்துகளை மட்டும் சேகரித்து IUI முறைமூலம் மனைவியின் கருப்பையினுள் செலுத்தப் படுவதன் மூலம் கருக்கட்டலை ஏற்படுத்த முயற்சிக்கலாம்.(IUI பற்றி இந்த சுட்டியில் வசிக்க )

அது தோல்வியடையும் பட்சத்தில் செயற்கையான முறையிலே கருக்கட்டலை நடத்தும் பரிசோதனைக் குழாய்க் குழந்தைக்காக முயற்ச்சிக்கலாம்.

அடுத்ததாக சில பேரின் சுக்கிலப் பாயத்தில் விந்துகளே இல்லாமல் இருக்கலாம். இது Azospermia எனப்படும். இவர்களுக்கு கருக்கட்டல் நடைபெறுவதற்கான சந்தர்ப்பம் இல்லை. இருந்தாலும் மிகவும் அரிதாக விந்துகள் முற்றும் முழுதாக இல்லாமல் போகுதல் சில வேறு நிவர்த்தி செய்யக் கூடிய நோய்களால் ஏற்படிருக்கலாம்.
அந்தச் சந்தர்ப்பத்தில் அந்த நோய் சரி செய்யப்பட்டால் விந்து உற்பத்தி ஏற்பட்டு
கருத்தரித்தல் நடை பெறலாம். இது மிகவும் சொற்பமானவ்ர்களுக்கே சாத்தியம்.

விந்துகள் அறவே இல்லாதவர்கள் தம்பதியினர் வேறு ஒருவரின் விந்தணுக்களை
பெற்று IUI மூலம் கருப்பையினுள் செலுத்தி கருத்தரிக்க முயற்ச்சிக்கலாம்.

இப்போது நிறைய தனியார் வைத்தியசாலைகளில் விந்துகளை சேமிக்கும் வங்கிகள் உள்ளன.அங்கிருந்து விந்துகளை பெற்று IUI மூலமோ /பரிசோதனைக் குழாய்க் குழந்தையாகவோ கருத்தரித்தலுக்கு முயற்ச்சிக்கலாம்.

குழந்தைப் பிறப்புகளிடையேயான இடைவெளி.

2010-12-03T08:06:00.000-08:00

கேள்வி

டாக்டர் ! எனக்கு ஒரு வயதிலே ஒரு குழந்தை இருக்கிறது. இப்போது மீண்டும் நான் கருத்தரிக்கலாமா?

பதில்

ஒரு குழந்தை பிறந்து அடுத்த குழந்தை பிறப்பதற்கு இடையில் இரண்டுவருட கால இடைவெளியாவது இருக்க வேண்டும்.

இருந்தாலும் இது கட்டாயமானதல்ல. 35 வயதிற்கு மேற்பட்ட பெண்கள் இரண்டு வருடம் வரை காத்திருக்காமல் விரைவாக அடுத்த ( ஒரு வருடமளவில்) குழந்தையைப் பெற்றெடுப்பது நல்லது.

இவ்வாறு குறைந்த கால இடைவெளியில் குழந்தை பெற நினைப்பவர்கள் நன்கு போஷாக்கான உணவுகளை உட்கொள்ளுவது அவசியம்.

கேள்வி கேட்ட சகோதரி இது நீங்கள் உங்கள் வயது பொருளாதார வசதி என்பவற்றை வைத்து தீர்மானிக்க வேண்டிய விடயம்.

ஆனாலும் உங்க்கள் குழந்தைக்கு ஒரு வயது ஆகிவிட்ட படியால் விரும்பினால் நீங்கள் தாராளமாக கருத்தரிக்கலாம் என்பதே என் பதில். .

மாதவிடாய் காலத்து வலிகள் -பெண்கள் பக்கம்

2010-12-03T01:33:00.000-08:00

................................................................................................................................................................

முந்திய தொடர்கள் ....

பெண்கள் பக்கம் !( பெண்களுக்கோர் வேண்டுகோள்)

பூப்படைதல் பற்றி ஒவ்வொரு பெண்ணும் அறிந்து கொள்ள வேண்டிய விடயங்கள் ( பெண்கள் பக்கம்)

மாதவிடாய் நோய் -பெண்கள் பக்கம்

.......................................................................................................................................................

மாதவிடாய் காலத்து வலிகள்

மாதவிடாய் காலத்தில் வயிற்றில் நோ ஏற்படுவது பெண்களில் பொதுவாகஇருக்கும் ஒரு பிரச்சனையாகும். இது ஆங்கிலத்திலே DYSMENORRHEAஎனப்படும். இந்த வலியானது சில பெண்களுக்கு அன்றாட வேலைகளில்கவனம் செலுத்த முடியாதளவுக்கு பெரிய பிரச்சனையாக கூடஇருக்கலாம்.

அமெரிக்காவிலே நடத்தப்பட்ட ஒரு ஆய்விலே பாடசாலைப் பெண்களில்95 வீதமானோர் இந்த வலியினை அனுபவிப்பவர்களாக அறியப்பட்டது.

இந்த மாதவிடாய் கால வலியானது இரண்டாக பிரிக்கப்படலாம் .

பூப்படைந்த காலத்தில் இருந்தே ஏற்படுகிற வலி.

நான் மேலே சொன்ன விடயங்கள் இந்த வகையான வலியைப்பற்றியாகும். அதாவது பூப்படைந்த காலத்தில் இருந்தே உங்களுக்கு வலிஏற்படுமானால் , இந்த வலியினால் எந்த விதமான விளைவுகளும்ஏற்படாது. நீங்கள் அதைப்பற்றி அச்சப்பட வேண்டிய அவசியமும்இல்லை.

இருந்தாலும் இந்த வலியானது மாதவிடாய் ஆரம்பித்து முதல் 2தொடக்கம் 3 நாட்களுக்கே இருக்கும். அதற்கு அதிகமாகவும் வலிஇருந்தால் வைத்திய ஆலோசனையைப் பெறுவது உகந்தது.

வலி இல்லாமல் இருந்து பிற்காலத்தில் ஏற்படுகிற வலி.

அதாவது ஆரம்பத்தில் வலியில்லாத மாதவிடாய்களைத் தொடர்ந்துஇடையில் வலி ஆரம்பிக்குமானால் இந்த வலியானது வேறு சிலநோய்களால் ஏற்பட்டதாக இருக்கலாம். வைத்திய ஆலோசனை பெறுவதுஉகந்தது.

*************************************************************************************

மாதவிடாய் காலத்து வலி கடுமையாக இருப்பவர்கள் சிறிய ரகவலிநிவாரணிகளை வாங்கி பாவிக்கலாம்.
உதாரணத்திற்கு பரசிட்டமோல் (PARACETAMOL) இரண்டு மாத்திரைகள் 8மணிநேரத்திற்கு ஒருதடவை

அல்லது மேபினாமிக் அசிட்(MEFENAMIC ACID) எனப்படும் மாத்திரைஇரண்டு 8 மணி நேரத்திற்கு ஒரு தடவை.

தைபோயிட் காய்ச்சல்

2010-12-02T23:03:00.000-08:00

தைபோயிட் காய்ச்சல் (typhoid fever) Salmanella typhi எனப்படும் பாக்டீரியாவினால் ஏற்படுகின்ற ஒரு நோயாகும்.

இந்த பக்டீரியா நோயுள்ள ஒருவரின் மலத்திலே வெளியேறி நீரில் அல்லது உணவு மூலம் மற்றவர்களுக்குப்பரவும்.

அறிகுறிகள்...

கடுமையான காய்ச்சல் தொடர்ச்சியாக இரண்டு நாட்களுக்கு மேல் இருக்கும்.
தலையிடி
பசிக்குறைவு
தசை/ மூட்டு வலி
வயிற்று வலி
மலச் சிக்கலைத் தொடர்ந்து வயிற்றோட்டம்
சோர்வான நிலை

முன்னைய காலங்களில் இது பயங்கரமான நோயாக கருதப்பட்டாலும் இப்போது உள்ள அன்டி பயாட்டிக் (Antibiotics)மூலம் இது பூரணமாக குணப்படுத்தப் படக்கூடியதாக மாறிவிட்டது.

சில பேரிலே நோயின் தாக்கம் பூரணமாக குணப்பட்டாலும் பக்டீரியா பித்தப் பையிலே (Gall blader)தேங்கி இருந்து மலம் மூலம்நீண்ட நாட்களுக்கு வெளியேறி மற்றவர்களுக்கு தோற்று ஏற்படுத்தலாம்.

உணவுச் சாலைகள்/ ஹோட்டல் போன்றவற்றில் வேலை செய்யும் சமையற் காரர்கள் , உணவு பரிமாறுபவர்கள் இந்த நோய் சுகமான பின்னும் மலத்திலே பக்டீரியா இல்லை என்பதை உறுதிப் படுத்திய பின்பே வேலைக்குச் செல்ல வேண்டும்.

மேலும் நோய் ஏற்பட்டவர்கள் மலம் கழித்த பின்பு மலால கூடத்தை நன்கு அலசிக் கழுவுவதுடன் , கைக்கு சவர்க்காரம் போட்டுக் கழுவுவதன் மூலம் நோய் மற்றவர்களுக்குப் பரவுவதைத் தடுக்கலாம்.

மேலும் பாதுகாப்பான நீரை/ கொதித்தாறிய நீரினை பருகுவதன் மூலமும் சாப்பாட்டிற்கு முன் கைக்கு சவர்க்காரம் இட்டுக் கழுவுவதன் மூலம் நோய்த் தோற்று ஏற்படுவதை எல்லோரும் குறைத்துக் கொள்ள முடியும்.

நோய்த் தோற்று ஏற்பட்டவரை பிரித்து வைக்க வேண்டிய அவசியமில்லை. ஆனாலும் மேலே சொன்னபடி சுத்தமான நடவடிக்கைகளை கடைப்பிடிக்க வேண்டும்.

இதைத் தடுப்பதற்கான தடுப்பு மருந்து இப்போது உள்ளது. இந்த நோய் அதிகம் உள்ள இடங்களுக்கு பிரயாணம் செய்பவர்கள் அந்த தடுப்பு மருந்தினைப் பெற்றுக் கொள்வது நல்லது.

நீர்க்குடம் உடைதல் -ஒவ்வொரு பெண்ணும் அறிந்து வைத்திருக்க வேண்டியது

2010-12-02T22:01:00.000-08:00

கருப்பையின் உள்ளே உள்ள குழந்தையைச் சுற்றி அம்நியோட்டிக் திரவம் (Amniotic fluid)இருக்கிறது.இது குழந்தையை பல விதங்களில் பாது காக்கிறது.

அமுக்க விசைகளில் இருந்து குழந்தையைப் பாதுகாக்க இது உதவுகிறது. இந்தத் திரவத்தைச் சுற்றி அம்நியோட்டிக் மென்சவ்வு(amniotic membrane) உள்ளது.

இந்த மென்சவ்வு எனப்படும் உறை பிரசவம் ஆரம்பித்த பின்னே உடையும். ஆனாலும் சில வேளைகளில் அதற்கு முன்னமே அது உடையலாம். அது .. Pre labour rupture of membrane எனப்படும்.அதனால் குழந்தையைச் சுற்றியுள்ள திரவ நீர் வெளியேறுவதோடு கருப்பையின் உள்ளே கிருமிகள் உட்சென்று கேழந்தைக்கு மட்டும் அல்லாமல் தாய்க்கும் பாதிய பாதிப்புக்களை ஏற்படுத்தலாம்.

இதன் அறிகுறிகள்...
திடீரென பிறப்பு உறுப்பு வழியே நிறையத் திரவம்(நீர் வெளியேறுதல்)

இவ்வாறு ஒரு கர்ப்பிணிக்கு திடிரென நீர் வெளியேறினால் உடனடியாக வைத்திய சாலைக்குச் செல்ல வேண்டும்.

மருத்துவ முறை

34 வார கர்ப்ப காலத்திற்கு முன் இது நடை பெற்றால் வைத்திய சாலையில் அந்த பெண் அனுமதிக்கப்பட்டு 34 வாரம் வரை கண்காணிக்கப்பட்டு அதன் பிறகு குழந்தை பிறப்பு தூண்டப்படும்.

ஆனாலும் அதற்கு முன் கருப்பையினுள் தொற்று ஏற்பட்டதற்கான அறிகுறிகள் தோன்றினாலோ அல்லது தொப்புள் கோடி கீழிறங்குவது
உறுதி செய்யப்பட்டாலோ உடனடியாக பிறப்பு தூண்டப்படும்.

இது யாருக்கு ஏற்படும் என்று எதிர்வு கூறப் பட முடியாது.

ஆனாலும் ஏற்கனவே குறை மாதத்தில் குழந்தை பெற்றவர்களுக்கு இது ஏற்படுவதற்கான சந்தர்ப்பம் அதிகம்.

நச்சுக்கொடி பிரிதல் -ஒவ்வொரு பெண்ணும் கட்டாயம் அறிந்து வைத்திருக்க வேண்டியது

2010-12-02T19:02:00.000-08:00

Placenta எனப்படும் நச்சுக் கொடி குழந்தைக்கு தேவையான பாதர்த்தங்களைத் தாயில் இருந்து எடுத்து குழந்தைக்கு வழங்குவதோடு குழந்தையில் இருந்து கழிவுகளை தாயின் குழந்தைக்கு அனுப்பும் உறுப்பாகும். இது வழமையாக குழந்தை பிறந்த பின்பே கருப்பையில் இருந்து பிரிந்து வெளியேறும்.

ஆனால் சில வேளைகளில் குழந்தை பிறப்பதற்கு முன்னமே இதுகருப்பையில் இருந்து பிரிந்து வெளியேறலாம். இது ஆங்கிலத்திலே Placental abruption எனப்படும் .இது மிகவும் அபாயகரமானது. குழந்தை பிறப்பதற்கு முன்னமே நச்சுக் கொடி கருப்பையில் இருந்து பிரிவதால் குழந்தைக்குத் தேவையான ஒட்சிசன் உட்பட்ட முக்கிய பதார்த்தங்கள் கிடைக்காமல் போவதால் குழந்தை கருப்பையிலேயே இறந்து போய் விடலாம்.

குழந்தை பிறப்பதற்கு முன்னமே பிரிந்த நச்சுக் கொடியில் இரத்தம் கட்டியாகி உள்ளது.

இந்த சந்தர்ப்பத்தில் எவ்வளவு விரைவாக குழந்தை பிறக்கச் செய்யப் பட முடியோ அவ்வளவு விரைவாக பிறக்கச் செய்யப்பட வேண்டும்.

அநேகமான சந்தர்ப்பங்களில் சீசர் செய்ய வேண்டி வரலாம். ஆனாலும் சில வேளைகளில் கருப்பைக் வாயில் போதியளவு விரிவடைந்து இருந்தால் சீசர் செய்யாமல் ஆயுதங்கள் ..பாவிப்பதன் மூலம் குழந்தை பிறக்கச்செய்யப்படலாம்.

பொதுவாக இது கர்ப்பம் தரித்து 5-6 மத காலத்திற்குப் பின்பு எப்போதும் ஏற்படலாம்.

அறிகுறிகள்...

1.தொடர்ச்சியான வயிற்று வலி (பிரசவ வலி விட்டு விட்டே ஏற்படும்)

விட்டு விட்டு ஏற்படாமல் தொடர்ச்சியாக வயிறு வலி ஏற்பட்டால் அது நச்சுக் கொடி பிரிந்ததால் இருக்கலாம்.

2.பிள்ளைத் துடிப்புக் குறைதல்

3.மயக்கம் வருவது போன்ற உணர்வு

4.சிலவேளைகளில் வயிற்று வலியுடன் சிறிதளவு ரத்தம் யோனி(பிறப்புறுப்பு) வழியே வெளிப்படலாம்.

மேற்சொன்ன அறிகுறிகள் உள்ள கர்ப்பிணிகள் உடனடியாக வைத்திய சாலைக்குச் செல்ல வேண்டும்.

இது எவருக்கு வேண்டுமானாலும் எந்தவிதமான காரணம் இல்லாமலும் ஏற்படலாம்.ஆனாலும் பலமாக வயிற்றிலே அடிபடுவதும் இந்த பிரச்சினையை ஏற்படுத்தலாம்.மேலும் கர்ப்பகால பிரசர் நோய் உள்ளவர்களுக்கும் இந்த பிரச்சினை ஏற்படுவதற்கான சந்தர்ப்பம் அதிகம்.

ஏற்கனவே சொன்னது போல இந்த நோய் கருப்பையின் உள்ளேயே குழந்தையின் இறப்புக்குக் காரணமாக இருக்கலாம்.அத்தோடு அதிக இரத்தம் வெளியேறுவது காரணமாக தாயின் உயிருக்குக் கூட பாதிப்பை ஏற்படுத்தலாம்.

இதற்கு மருத்துவ முறை

குழந்தை உயிரோடு இருக்கும் பட்சத்தில் உடனடியாக பிறப்புத் தூண்டப்பட வேண்டும். சில வேளைகளில் சீசர் செய்ய வேண்டி வரலாம்.

ஆகவே கர்ப்பம் தரித்து .. மாத காலத்திற்குப் பின் உங்களுக்குத் தொடர்ச்சியான வயிற்று வலி ஏற்பட்டால் எந்தவைதமான உணவுகளையும் வாய் வழியே உட்கொள்ளாமல் உடனடியாக வைத்தியசாலைக்குச் சென்று உtங்களுக்கு இந்த நோய் இல்லை என்பதை உறுதிப் படுத்திக் கொள்ளுங்கள்.

மாதவிடாய் நின்றபின் ரத்தம் போவது அபாயமானது !

2010-12-02T08:54:00.000-08:00

பதில்

வணக்கம் டாக்டர்.எனது அம்மாவின் வயது .. .இரண்டு வருடத்திற்கு முன்பே அவருக்கு இறுதியாக மாதவிடாய் ஏற்பட்டது.இப்போது

மீண்டும் இரண்டு நாளாக ரத்தம் போகிறது. இது நார்மலா?

பதில்

இல்லை இது நார்மல் இல்லை.

மாதவிடாய் நின்ற பிறகு மீண்டும் ரத்தம் போவது பல காரணங்களால் ஏற்படலாம்.அந்த வகையில் முக்கியமானது கருப்பை

சம்பந்தப்பட்ட புற்று நோய்கள். மாதவிடாய் நிறுத்தத்திற்குப் பிறகு மீண்டும் இரத்தப் போக்கு ஏற்படும் பெண்கள் உடனடியாக

வைத்தியரிடம் சென்று கருப்பை சம்பந்தப் பட்ட புற்று நோய்கள் இல்லை என்பதை உறுதிப் படுத்திக் கொள்ள வேண்டும்.

உடனடியாக உங்கள் தாயை ஒரு வைத்தியரிடம் அழைத்துச் செல்லுங்கள்.

தொப்புள்க்கொடி வெளியேற்றம் -ஒவ்வொரு பெண்ணும் அறிந்து வைத்திருக்க வேண்டியது

2010-12-02T06:39:00.000-08:00

தொப்புள் கோடி தாயின் இரத்தத்தில் இருந்து குழந்தைக்கு உயிவாழத் தேவையான பதார்த்தங்களை பரிமாறுவதற்கும்,குழந்தையின் இரத்தத்தில் இருந்து கழிவுகளை தாயின் இரத்தத்திற்கு அனுப்புவதற்கும் உதவுகிறது. இது வழமையாக குழந்தை பிறக்கும் போதே குழந்தியோடு சேர்ந்து வெளிவரும். ஆனால் சில வேளைகளில் இது குழாந்தை பிறப்பதற்கு முன்னமே வெளிவரலாம் இது cord prolapse எனப்படுகிறது.

இது மிகவும் குழந்தைக்கு மிகவும் ஆபத்தான நிலையாகும்.

கருப்பைக்கு வெளியே தொப்புள் கொடி கீழிறங்குதல்

இது ஏற்படும் பெண்களில் சிலவேளைகளில் தொப்புள் கொடி வெளியே வெளிப்படலாம் அல்லது கருப்பையை விட்டு வெளியேறிய தொப்புள் கொடி உங்கள் பிறப்பு உறுப்பினுல்லேயே இருக்கலாம்.அப்போது உங்கள் பிறப்பு உறுப்பினுல்லேயே

எதோ ஒன்று இருப்பது போன்ற உணர்வு ஏற்படலாம்.

அவ்வாறான சந்தர்ப்பத்தில் நீங்கள் தொப்புள் கொடியை கையால் தொடுவதைத் தவீர்த்து கீழே உள்ள படத்தில் உள்ளது போன்ற நிலையில் இருந்தவாறே விரைவாக வைத்தியசாலைக்கு செல்ல வேண்டும்.

வைத்தியசாலைக்கு செல்லும்போது நீங்கள் இருக்கவேண்டிய நிலை

குழந்தை உயிரோடு இருக்கும் பட்சத்தில் மிகவும் விரைவாக சீசர் செய வேண்டி வரலாம்.சிலவேளைகளில் பிரசவத்தில் இருக்கும் போது கூட இது ஏற்படலாம். அப்போதும் பிரசவ நிலையைப் பொறுத்து உடனடியாக சீசர் செய்யவேண்டி வரலாம்.

உடனடியாக சீசர் செய்ய வேண்டி வரலாம் என்பதால் இவ்வாறன நிலை ஏற்பட்டிருக்கலாம் என்று சந்தேகிப்பவர்கள் எந்தவிதமான சாப்போடோ நீராகரமோ உட்கொள்ளாமல் வைத்திய சாலைக்கு செல்லுதல் வேண்டும்.

இது ஏற்படாமல் தடுப்பதற்கோ ,யாருக்கு ஏற்படலாம் என்று எதிர்வு கூறுவதற்கோ முடியாது.

ஆனாலும் குழந்தை பிறப்பிற்கான பிரசவம் ஆரம்பிப்பதற்கு முன்பே நீர்க் குடம் உடைபவர்களுக்கு இது ஏற்படக்கூடிய சந்தர்ப்பம் உள்ளதால் , உங்கள் பிறப்புறுப்பில் இருந்து திடீரென நீர் வெளியேறினால் வலி ஏற்பட விட்டாலும் உடனடியாக வைத்தியசாலைக்கு செல்ல வேண்டும்.

நச்சுக் கொடி கீழிறக்கம்-ஒவ்வொரு பெண்ணும் கட்டாயமாக அறிந்திருக்க வேண்டியது

2010-12-02T01:38:00.000-08:00

பிளசென்டா(Placenta) எனப்படும் நச்சுக் கொடி கருப்பையில் ஒட்டிக் கொண்டு தாயின் இரத்தத்தில் இருந்து குழந்தைக்குத் தேவையான பொருட்களைப் பிரித்து எடுத்து தொப்புள் கொடி மூலமாக குழந்தைக்கு அனுப்பும் ஒரு அமைப்பாகும்.

நச்சுக்கொடி (placenta)

இது பொதுவாக கருப்பையின் மேற்பகுதியிலேயே ஒட்டிக் கொண்டிருக்கும். இது கருப்பையின் கீழ்ப் பகுதியில்அமைவது ஆபத்தாகும். கருப்பையின் கீழ்ப் பகுதியில் நச்சுக் கொடி காணப்படுவதே Placenta previa ( நச்சுக் கொடி இறக்கம்) எனப்படும்.

எந்தளவிற்கு கருப்பையின் கீழ்ப் பகுதியில் இது இருக்கிறது என்பதைப் பொறுத்து இந்த நோயின் தீவிரங்கள் தீர்மானிக்கப்படும்.

முற்றாக கீழ் பகுதியில் நச்சுக் கொடி அமையும் போது குழந்தை பிறக்கும் கருப்பை வாயிலை மூடிக் கொண்டிருக்கும்.இது மிகவும் தீவிரமான

நிலையாகும். இந்த நிலையில் சீசர் செய்வதைவிட வேறு வழியில்லை.

கருப்பை வாயில் வரை நச்சுக்கொடி(placenta) கீழிறங்கி இருக்கும் ஆபத்தான நிலை

இந்த நோயின் அறிகுறி

கர்ப்பம் தரித்து ஆறு மாத காலமளவில் பிறப்புறுப்பு வழியே சிறிதளவு இரத்தம் போகுதல்.இதன் போது எந்தவிதமான வலியும்ஏற்படாது.இது எச்சரிக்கைக் குறியாக எடுத்துக் கொள்ளப்படும்(warning bleeding).அதாவது கர்ப்பம் தரித்து 5 மதத்திற்குப் பிறகு சிறிதளவு ரத்தக் கசிவு ஏற்பட்டாலேயே உடனடியாக வைத்திய சாலைக்குச் செல்ல வேண்டும். அதைத் தவற விடும் பட்சத்தில் அடுத்தமுறை இரத்தப்போக்கு ஏற்பட்டால் அது தீவிரமானதாக இருக்கும். அதற்கு முன்னமே வைத்திய சாலைக்கு சென்று முற்பாதுகாப்பு எடுத்துக் கொள்ள வேண்டியது கட்டாயமாகும்.

இந்த நோயை உறுதிப் படுத்திக் கொள்ள ஒரே வழி ஸ்கேன் செய்வதே. அநேகமான நாடுகில் எல்லா கர்ப்பிணிகளுக்கும் ஸ்கேன்

செய்து இந்த நோய் உள்ளதா என்று அறிகுறிகள் ஏற்படுவதற்கு முன்னமே பார்க்கப்படும். இருந்தாலும் நம் நாட்டில் போதிய வசதி இல்லாத்

படியால் எல்லாக் கர்ப்பிணிகளுக்கும் அந்த ஸ்கேன் செய்யப்படுவதில்லை. ஆனாலும் இரத்தம் போகிறவர்களுக்கு கட்டாயாமாக ஸ்கேன் செய்தே ஆக வேண்டும்..

இந்த நோய் உள்ளது உறுதிப் படுத்தப்பட்ட பின்பு அந்த நோயின் தீவிரத்தைப் பொறுத்து அதற்கான சிகிச்சை தீர்மானிக்கப்படும்.

நச்சுக்கொடி பெருமளவில் கருப்பையின் கீழ் பகுதியில் இருந்தால் அந்த நோயாளி குழந்தை பெறும் வரை வைத்திய சாலையில் நீண்ட

நாட்களுக்கு இருக்க வேண்டி வரலாம். மேலும் முன்னேற்பாடாக அவர்களுக்கு கொடுக்கப்பட்ட தினத்திற்கு முன்னமே சீசர் செய்யப்படும்.

சிறிதளவான அளவில் நச்சுக் கொடி கீழே இருப்பவர்கள் வீட்டிற்கு அனுப்பப்படலாம். ஆனாலும் அடிக்கடி வைத்தய்சாலைக்கு செல்ல

வேண்டியதுடன் சகல வசதிகளும் கொண்ட ஒரு வைத்திய சாலையிலேயே குழந்தைப் பிறப்பு மேற்கொள்ள வேண்டும்.அவர்கள் சாதாரணமான

முறையில் குழந்தை பெற்றுக் கொள்ள முடியும்.

இது எவ்வாறு பாதிப்பை ஏற்படுத்தும்....

இந்த நோயினால் குழந்தைக்கு எந்தவிதமான பாதிப்பும் ஏற்படாது. ஆனால் அதிகமான ரத்தப் போக்கு ஏற்பட்டு அம்மாவின் உயிரைப் பறித்து விடக்கூடியது. ரத்தப் போக்கு குழந்தை பெறுவதற்கு முன் ஏற்படலாம் அல்லது குழந்தை பிறந்த பின் ஏற்படலாம்.

சீசர் செய்த பின்பு கூட இவர்களுக்கு அதிகமாக ரத்தப் போக்கு ஏற்படலாம். அதனால் நான்கு பைண்ட்ஸ் இரத்தம் தயாராக வைத்துக் கொண்டே அவர்களுக்கு சீசர் செய்யப்படும்.

அதேபோல சாதாரண குழந்தைப் பேரின் பின்னும் இரத்தப்போக்கு அதிகமாகப் போகலாம்.

அதனால் இந்த நிலையை சமாளிக்கும் வசதிகளாக இரத்த வங்கி ,சத்திர சிகிச்சை கூடம் உள்ள வைத்திய சாலைகளிலே குழந்தைப் பேறு மேற்கொள்ள வேண்டும்.

மிகவும் முக்கியமாக இந்த நோயாளிகள் குழந்தை பெறும் வரை முற்று முழுதாக உடலுறவைத் தவிர்க்க வேண்டும்..

கர்ப்பிணிகளுக்கு மலம் கறுப்பாக போவதேன்?

2010-12-01T18:51:00.000-08:00

கேள்வி

டாக்டர் ! நான் நான்கு மாதக் கர்ப்பிணி. எனக்கு சில நாட்களாக வயிற்றிலே ஏதோ செய்வது போன்ற உணர்வு இருக்கிறது. சரியாக சாப்பிட முடியவில்லை. மலம் போவது கஷ்டமாக இருக்கிறது. சில வேளைகளில் மலம் கறுப்பு நிறமாகப் போகிறது.ஒரு நண்பியிடம் கேட்ட போது கர்ப்ப காலத்தில் கறுப்பாக மலம் போவது சாதாரணமானது என்கிறாள்.அது உண்மையா?

அதற்காக நான் என்ன செய்ய வேண்டும்?

பதில்

நல்லது சகோதரி. கர்ப்ப காலத்தில் கருப்பாக மலம் போவதற்கும் கர்ப்பத்திற்கும் எந்த விதமான சம்பந்தமும் இல்லை.

ஆனாலும் கர்ப்பிணிகளுக்கு கொடுக்கப்படும் இரும்புச் சத்துக் குளிசைகள் காரணமாக மலம் கறுப்பாக போகலாம்.

அத்தோடு உங்களுக்கு ஏற்பட்டுள்ள பசிக்குறைவும், வயிற்றில் உள்ள அசௌகரியங்களும் கூட அந்த மாத்திரையால் ஏற்பட்டதாக இருக்கலாம்.அதனால் வைத்தியரிடம் சொல்லி வேறு விதமான மாத்திரைகளை பாவித்துப் பாருங்கள்.அதற்காக அச்சப் படத் தேவை இல்லை.

எயிட்ஸ் பற்றிய பொதுவான சில சந்தேகங்களும் பதில்களும்

2010-12-01T04:08:00.000-08:00

இன்று எயிட்ஸ் தினம். அனேகமாக எயிட்ஸ் பற்றி எல்லோருக்கும் நிறைய விடயங்கள் தெரிந்திருக்கும். அதனால் நான் உங்களுக்கு இருக்கக் கூடிய சில சந்தேகங்களை பற்றி மட்டும் சொல்லிவிடுகிறேன்.

முத்தமிடுவதால் எயிட்ஸ் பரவுமா?

உமிழ் நீரில் வைரசின் அளவு மிகவும் குறைவு . இதன் மூலம் எயிட்ஸ் பரவுவதற்கான சந்தர்ப்பம் குறைவானாலும்

உதட்டோடு உதடு முத்தம் கொடுக்கும் போது ஒருவருக்கு வாயினுள்ளே காயங்களோ சிறிய ரத்தக் கசிவுகளோ இருந்தால் எயிட்ஸ் பரவலாம்.

வாய்வழிப் புரர்ச்சியால் எயிட் பரவலாமா?

நிச்சயமாகப் பரவலம்.ஆனால் பரவுகின்ற வீதம் குறைவு.

எயிட்ஸ் உள்ளவர்களோடு சேர்ந்து விளையாடலாமா?

நிச்சயமாக விளையாடலாம். உடலுறவு, ரத்தத் தொடர்பற்ற எந்த விதத்திலும் எயிட்ஸ் நோயாளியோடு நீங்கள் பழகலாம்.

எயிட்சுக்கு மருந்துகள் உள்ளனவா?

ஆம். இதை பூரணமாக குணமாக்க முடியாவிட்டாலும் வாழ்க்கைக் காலத்ததை அதிகரிக்கவும், வாழ்க்கைத் தரத்தை அதிகரிக்கவும் இந்த மருந்துகள் உதவும்.

இரத்தம் ஏற்றுவதன் மூலம் எயிட்ஸ் பரவலாமா?

ஆம். ஆனாலும் அனைத்து வைத்திய சாலைகளிலும் இப்போது இரத்தம் பரிசோதிக்கப்பட்ட பின்பே ஏற்றப்படுவதால் அதற்காக அஞ்ச வேண்டியதில்லை.

ஓரினச் சேர்க்கை மூலம் எயிட்ஸ் பரவலாமா?

ஆம். இதன் போதுதான் எயிட்ஸ் பரவுவதற்கான சந்தர்ப்பம் மிகவும் அதிகம்.

தலைமுடி வெட்டும் போது எயிட்ஸ் தொ ற் றலாமா?

ஒரு பிளேட் பல பேருக்குப் பாவிக்கப்ப்படும்போது தவறுதலாக சிறிய வெட்டுகள் ஏற்பட்டால் எயிட்ஸ் தொற்றலாம்.

நீங்கள் தலைமுடி வெட்டும் போது உங்களுக்காக புது பிளேட் போடப்படுகிறது என்பதை உறுதிப்படுத்திக் கொள்ளுங்கள்.

பச்சை குத்தும்போது எயிட்ஸ் தொ ற் றலாமா ?

ஆம். ஒரு உபகரணம் பல பேருக்கு பாவிக்கப்படுவதால் தொற்ற சந்தர்ப்பம் உள்ளது.

எயிட்ஸ் நோயாளி தாய்ப்பால் கொடுக்கலாமா?

இல்லை.

உங்களுக்கு இருக்கும் சந்தேகங்களையும் கேளுங்கள் !

மிக்ரேயின் (migraine )-2

2010-12-01T01:34:00.000-08:00

மிக்ரேயின் (migraine )-1

முந்திய இடுகையின் தொடர்ச்சி ....

மிக்ரெயினைத் தூண்டக்(ஏற்படுத்தக் கூடிய) கூடிய உணவுகள்

நீண்ட நாட்களாக பதப்படுத்தப்பட்ட இறைச்சி
சொக்கலேட்
சீஸ்
கொக்கோ கலந்த உணவுகள்
மது (குறிப்பாக ரெட் வைன்)
பட்டர்
சோயா சோஸ்
பப்பாசி
பேஷன் புருட்
அதிகரித்த வெங்காயப் பாவனை
அதிகரித்த கோப்பிப் பாவனை

இவை தவிர இன்னும் ஏராளாமான உணவுகள் இருக்கலாம்.மிக்ரேயின் நோயாளி ஒருவர் தனக்கு ஏதாவது உணவுகள் மூலம் அந்த நோய் ஏற்படுவது அதிகரிக்கிறது என்று நினைத்தால் அந்த உணவுகளைத் தவீர்த்தல்வேண்டும்.

மருந்துகள்

இந்த நோய்க்கு இரண்டு விதமான மருந்துகள் உள்ளன

1. நோய் ஏற்பட்டவுடன் வழியை நீக்கும் தற்காலிக மருந்துகள்

பரசிட்டமோல்,இவ்புருபான் போன்ற வைத்தியரின் துண்டு இல்லாமல் வங்கக் கூடிய மருந்துகளைப் பாவிக்கலாம்.

2.நோய் ஏற்படாமல் தடுக்கும் மருந்துகள்

எல்லா நோயாளிகளுக்கும் இந்த மருந்து வழங்கப்படுவதில்லை.மிக்கிறேயின் ஏதாவது ஒரு விதத்தில் அவர்களின் வாழ்க்கையைப்பாதித்தாலோ அல்லது வருடத்திற்கு நான்கிற்கு மேட்பட்ட தடவைகள் இந்த நோய் ஏற்பட்டாலோ மாத்திரமே இந்த மாத்திரைகள்வழங்கப்படும். இது வைத்தியர்களாலேயே வழங்கப்பட வேண்டும்.

மாத்திரைகள் தவீர இந்த நோய் ஏற்படாமல் தடுப்பதற்கு செய்ய வேண்டியவை

1.மேலே சொன்ன நோயை தூண்டும் காரணிகள் ஏதாவது உங்களுக்கு நோயை ஏற்படுத்துமாயின் அவற்றைத் தவிர்க்க வேண்டும்

2.போதியளவு தூக்கம் அவசியம்

3.போதியளவு நீராகாரம்

4.மன அழுத்தத்தைக் குறையுங்கள்

5.போதியளவு உடற்பயிற்சி

6.உடல் பருமனானவர்கள் உடல் நிறையை குறைக்க வேண்டும்

நோய் ஏற்பட்டவுடன் வலியைக் குறைப்பதற்கான வழிமுறைகள்

1.அமைதியான இருட்டறையில் படுத்திருங்கள்

2.ஈரத் துணியினால் தலை போர்த்திவிடுங்கள்

3.நன்கு தலையில் மசாஜ் செய்யுங்கள்

சிறுகுழந்தைகளில் மிக்ரேயின்

சிறுகுழந்தைகளுக்கு மிக்கிறேயின் நேரத்தில் வயிற்று வலி ஏற்படலாம். இது .. எனப்படும்.உங்கள் குழந்தைஅடிக்கடி வயிற்று வலி என்று கூறினால் அது சில வேளைகளில் மிக்கிறேயினாக இருக்கலாம்

மிகிரேயின் சுகமான பின்பு

சில பேரில் சந்தோஷமான புது உணர்வு ஏற்பட்ட மன நிலை ஏற்படும்.

சில பேரில் கழைப்புத் தன்மை சில நாட்களுக்கு நீடிக்கலாம். .

மிக்ரேயின் (migraine )

2010-11-30T22:09:00.000-08:00

தலையிடியை ஏற்படுத்தும் நோய்களில் பொதுவானது மிக்ரேயின் (migraine)ஆகும்.

இது ஆண்களைவிட பெண்களையே அதிகமாகத் தாகும். இளம் வயதிலேயே இது அதிகமாக ஏற்படும்.வயது போகப் போக இந்த நோய் ஏற்படுவதற்கான சந்தர்ப்பம் குறையும்.

இந்த நோயின் தன்மை,தீவிரம் என்பவை ஆளுக்கு ஆள் வேறுபாடும். அத்தோடு இந்த தாக்கம் ஏற்படும் இடைவெளியும் ஆளுக்கு ஆள் வேறுபாடும்.

அதாவது சில பேரிலே ஏற்படும் தலையிடி தீவிரமானதாக இருப்பதோடு அவர்களின் அன்றாடச் செயற்பாடுகளையும் பாதிக்கலாம்.சில பேரிலே பல வருடத்திற்கு ஒருமுறையே இந்த நோய் தாக்கும் அதே வேளை சில பேரில் அடிக்கடி அத்தாக்கம் ஏற்படலாம்.

இந்த நோய் உள்ள சில பேரிலே தலையிடி தொடங்குவதற்கு சில மணித்தியாலங்களுக்கு (24மணித்தியாலம் வரை) சில மாற்றங்கள் ஏற்படலாம்.அவை Aura எனப்படும்.அவை தலையிடி தொடங்கப்போகுது என்பதற்கான அறிகுறி என்று அவர்களால் உணரக்கூடியதாக் இருக்கும்.

அவ்வாறான மிக்க்ரேயினுக்கு முன் தோன்றும் அறிகுறிகள்,

தாகம் அதிகரித்தல்
மனிநிலை மாற்றம்
உடம்பிலே சக்தி கூடிய உணர்வு
பலவீனமான உணர்வு
பசியிலே மாற்றம் (கூடுதல்/குறையுதல்)

இவ்வாறு வேறுபட்ட உணர்வுகள் தலையிடி தொடங்குவதற்கு முன் எச்சரிக்கை உணர்வாக ஏற்படலாம்.

இவ்வாறான எச்சரிக்கை உணர்வோடு ஏற்படுகின்ற மிக்ரேயின் கிளாசிக்கல் மிக்ரேயின்(classical migraine) எனப்படும்.ஏனையவை common migraine எனப்படும்.

மிக்ரேயினின் அறிகுறிகள்..

தலையிடி
வாந்தி/வாந்தி வருவது போன்ற உணர்வு
பார்வை மங்குதல்
வெளிச்சத்தில் இருந்தால் தலையிடி கூடுதல்
குறிப்பிட்ட சில பதார்த்தங்களின் மணம் வலியை அதிகரித்தல்
களைப்பாக உணர்தல்
வியர்த்தல்
குளிராக உணர்தல்..

ஒவ்வொரு தடவை மிக்ரேயின் தாக்கும் போதும் இது சில மணிநேரங்கள் தொடக்கம் மூன்று நாட்கள் வரை தொடரலாம்.

சில விடயங்கள் மிக்ரேயின் ஏற்படுவதைத் தூண்டலாம். ஆகவே எந்த விடயத்தால் மிகிரேயின் அதிகரிக்கிறதோ அதை நோயாளி தவீர்த்தல் வேண்டும்.

நோயைத் தூண்டக் கூடிய விடயங்கள்.

சிலவகை உணவுகள்
சில வகையான மணங்கள்,அதிகமான சத்தம், வெளிச்சம்
சில காலநிலை மாற்றங்கள்
அதிகரித்த வேலைப் பளு
புகைத்தல்
சில வாசனைத் திரவியங்கள்
போதிய உறக்கமின்மை
மாதவிடாய்
சாப்பாடுகளைத் தவற விடுதல்(நேரத்திற்கு சாப்பிடாமை)

ஏனைய விடயங்கள் அடுத்த இடுகையில்.......

தலையிடி -எப்போது வைத்தியரப் பார்க்க வேண்டும்

2010-11-30T17:34:00.000-08:00

தலையிடியை ஒவ்வொருவரும் வாழ்க்கையில் ஒரு தடவையாவது உணர்ந்திருப்பீர்கள்.இது பல்வேறு காரணங்களால் ஏற்படலாம். இது சாதாரணமான தலையிடியாக இருக்கலாம் அல்லதுசில வேளைகளில் ஏதோவொரு தீவிரமான நோயின் அறிகுறியாக இருக்கலாம்.

உதாரணமாக காய்ச்சல், அதிகமான வாந்தி, சூரிய ஒளியை பார்க்க முடியாத நிலையோடு தலையிடிஏற்பட்டால் அது மூளைக் காய்ச்சலாக இருக்கலாம்.

தலையிடி ஏற்பட்டவர்கள் சாதாரணமாக பரசிட்டமோல், டிஸ்பிரின் போன்ற எளிய வகை நோய் நிவாரணிகளை எடுத்துக் கொண்டு வீட்டிலேயே இருக்கலாம்.ஆனாலும் கீழே உள்ள அறிகுறிகளோடு தலையிடி ஏற்பட்டால் நீங்கள் உடனடியாக வைத்தியரை நாட வேண்டும்.

1.தலையிடியோடு அதிகமான வாந்தி, சூரிய ஒளியை பார்க்க முடியாத நிலை, கழுத்தை வளைத்து கீழே பார்க்கும் போது வலியுடன்கழுத்து இறுகிய நிலை உள்ளவர்கள் உடனடியாக வைத்தியரை பார்க்க வேண்டும்.

2.அண்மையில் உங்களுக்கு தலையிலே அடி பட்டிருந்தால் உடனடியாக வைத்தியரை பார்க்க வேண்டும்.

3.தலையிடியோடு கைகால் உணர்ச்சி குறைந்த நிலை ஏற்பட்டால் உடனடியாக வைத்தியரைப் பார்க்க வேண்டும்.

4.தலையிடியோடு ,அதிகாலை நேர வாந்தி மற்றும் இருமும் போதோ மலம் கழிக்கும் போது தலையிடி அதிகரித்தல்

மேலே சொன்ன 4 சந்தர்ப்பத்திலும் எவ்வளவு விரைவாக வைத்தியரைப் பார்க்க முடியுமோ அவ்வளவு விரைவாகப் பார்க்க வேண்டும்.

5.தலையிடியோடு மனக் குழப்பம் ஏற்பட்டால்

6.தலையிடியோடு காது /கண் வலி ஏற்பட்டால்

7.வழமையை விட தலையிடி தீவிரமானதாக இருந்தால்

8.முதன் முறையாக தலையிடி ஏற்பட்ட ஒருவர்

9.திடீரென தலையின் ஒருபக்கத்தில் உள்ளே இடிப்பது போன்ற உணர்வு

மேலே உள்ள அறிகுறிகள் இருப்பவர்கள் சாதாரண வலிநிவாரநிகளோடு வீட்டில் இருந்துவிடாமல் வைத்தியரைப் பார்க்க வேண்டும்.

மாதவிடாய் நோய் -பெண்கள் பக்கம்

2010-11-30T06:39:00.000-08:00

பெண்கள் பக்கம் !( பெண்களுக்கோர் வேண்டுகோள்)

பூப்படைதல் பற்றி ஒவ்வொரு பெண்ணும் அறிந்து கொள்ள வேண்டிய விடயங்கள் ( பெண்கள் பக்கம்)

....................................................................................................................................................................
Premenrual syndrom(PMS) எனப்படுவது பெண்களை வாட்டி எடுக்கும் மாதவிடாயோடு சம்பந்தப்பட ஒரு நோயாகும்.இந்த நோயின் இயல்பானது ஒவ்வொருமுறை மாதவிடாய் ஏற்படுவதற்கு இரண்டு வார காலத்தில் ஆரம்பித்து மாதவிடாய் ஆரம்பித்தவுடன் மறைந்துவிடும்.

அறிகுறிகள்

அதிகரித்த முகப்பரு
மலச்சிக்கல்(CONSTIPATION)
மன உளைச்சல்(ANXIETY)
மனத்தாழ்வு(DEPRESSION)
நாரி நோ
வயிறு ஊதிய உணர்வு
வயிற்றுக்குள் ஏதோ செய்வது போன்ற உணர்வு(BLOATING)
அதிகமான களைப்பு
இதயம் அதிகமாக துடிக்கும் உணர்வு(PALPITATION)
தலையிடி
மூட்டு நோ
உடலுறவில் நாட்டம் குறைதல்
தூக்கமின்மை
வெளியில் கவனம் செலுத்தமுடியாமை
மார்பக வலி
மார்பகம் வீங்கிய உணர்வு
கைகால் வீங்கிய உணர்வு
உடல் நிறை அதிகரித்தல்
பசிக்குறைவு/சில உணவுகளில் மட்டும் அதிக நாட்டம்

மேலே சொன்ன அறிகுறிகள் தொடர்ச்சியாக ஒவ்வொரு மாதவிடாய் ஆரம்பிப்பதற்கு முன் தொடங்கி மாதவிடாய் ஆரம்பிப்பதோடு மறைவதோடு அவை அவர்களின் அன்றாடச் செயற்பாடுகளில் பாதிப்புக்களை ஏற்படுத்தினாலேயே அவை Premenstrual syndrome எனப்படும்.

இந்த நிலையை பூரணமாக இல்லாமல் செய்ய முடியாது. ஆனாலும் குழந்தை பிறந்தவுடன் இதன் தாக்கம் குறைவதாக சொல்கிறார்கள்.

இந்தப் பாதிப்பு ஏற்படும் காலத்தில் வைத்தியரின் அறிவுரை இல்லாமலேயே பெறக்கூடிய சில வலி நிவாரணிகளை நீங்கள் பாவிக்கலாம்.

அவை- பரசிட்டமோல், ப்புருபான்(Ibrufan),மேபினாமிக் அசிட்(mefenamic acid) போன்ற மாத்திரைகள்.

அதுதவிர கீழே உள்ள நடவடிக்கைகள் மூலமும் அதன் பாதிப்புக்களைக் குறைக்கலாம்.

கடலை தானிய உணவுகளை அதிகாமக் உண்ணுதல்

கொழுப்பு கலந்த உணவுகளைக் குறைத்தல்(முக்கியமாக எண்ணெய்)

நார்ச்சத்துள்ள உணவுகளை அதிகம் உண்ணுதல்

மாதவிடாய் ஆரம்பிப்பதற்கு பத்து நாட்களுக்கு முன் உப்பைக் குறைத்தல்

கோப்பி , மது அருந்துதலை தவீர்த்தல்

உடற்பயிர்ச்சியில் ஈடுபடல்

போதியளவு தூங்குதல்

மூன்று பிரதான உணவுகளை தவிர்த்து கொஞ்சம் கொஞ்சமாக ஆறுமுறை சாப்பிடுதல்

மேலே சொன்ன நடவடிக்கைகளை இந்த பாதிப்பு ஏற்படும் காலத்தில் மட்டும் மேற்கொண்டாலே போதும்.

(அதாவது மாதவிடாய் ஆரம்பிப்பதற்கு இரண்டு வாரத்திற்கு முன் மாத்திரம்)

இவற்றின் மூலம் இந்தப் பிரச்சினை குறையாவிட்டால் வைத்தியரை சந்தித்து மாத்திரைகளை எடுத்துக் கொள்ளலாம்.

தொடரும் ....

.பி.கு-

பெண்களே இது முற்று முழுதாக உங்களுக்கான தொடர்...

தயவு செய்து உங்கள் கருத்துக்களையும் சந்தேகங்களையும் முன் வையுங்கள் .

உடலுறவு சம்பந்தமான வாசகர் சந்தேகம்

2010-11-30T04:14:00.000-08:00

கேள்வி

1.உடலுறவு முடிந்தவுடன் பெண், தங்கள் உறுப்புகளை சுத்தம் செய்ய சென்றுவிடலாமா?

அல்லது
15 முதல் 30 நிமிடங்கள் கழித்து சுத்தம் செய்யலாமா?
உடனே பெண் எழுந்து சென்றால் விந்தணுக்கள் பெண் உறுப்பிலிறுந்து வெளியே வந்துவிடுமே?
ஆதலால், கர்ப்பம்தரிக்க தடைபடுமே?

பதில்

இது நிறையப் பேருக்கு ஏற்படும் சந்தேகமே.உண்மையில் விந்தணுக்கள் அசைவின் மூலம்(நீந்துவதன் மூலம்) பெண்ணின் முட்டையைச்
சென்றடையும். அதனால் உடலுறவின் பின் உடனடியாக எழுந்து போனாலும் கர்ப்பம் தரிக்கும் சந்தர்ப்பம் உள்ளது.
இருந்தாலும் கர்ப்பத்திற்காக எதிர்பார்த்திருக்கும் பெண்கள் உடலுறவின் பின் இருபது நிமிடங்களுக்கு படுக்கையிலே இருப்பது
நல்லது என்று சொல்லப்படுகிறது. அந்த நேரத்தில் இடுப்பின் கீழே ஒரு தலையனைய வைத்து உங்கள் இடுப்புப் பகுதியை உயர்த்தி
வைப்பதும் கருத்தரிப்பதற்கான சந்தர்ப்பத்தை அதிகரிக்கும் என்று சொல்லப்படுகிறது.

அதேநேரம் கால்களை ஒன்றன்மேல் ஒன்று போட்டவாறு படுத்திருப்பதும் உகந்தது.

நாம் எப்படி வளர்கிறோம் ?

2010-11-30T01:37:00.000-08:00

மனிதனின் வளர்ச்சி(Growth) எனப்படுவது` தொடர்ச்சியான உடலியல் மாற்றங்கள் மூலம் ` உயரத்தில் ஏற்படுகிறஅதிகரிப்பாகும். உடல் நிறை அதிகரித்தல்,நகம் வளர்தல்,மயிர் வளர்தல் என்பவை உடற் றொழிப் பாடு ரீதியாகவளர்ச்சி என்ற பதத்துக்குள் உள்ளடக்கப் படவில்லை . .

வளர்ச்சி பல ஹார்மோன்களின் ஒருங்கினைந்த தொழிற் பாடாலே ஏற்படுகிறது.

ஒருவரின் வளர்ச்சி அவர் உட் கொள்ளும் உணவின் அளவு, பிறப்புரிமைக் காரணி(genetic factor), சிறுவயதில் ஏற்படும் மன /உள நோய்கள் என்பவற்றினால் தீர்மானிக்கப்படும்.

மனிதனின் வளர்ச்சியில் உச்சக்கட்ட வளர்ச்சி மூன்று நிலைகளில் ஏற்படும்.

அதாவது ஒரு குழந்தை உருவானதில் இருந்து வளர்ந்து கொண்டிருந்தாலும் அதன் வாழ்வின் மூன்று கட்டங்களில் வளர்ச்சி வீதமானது உச்சமாக இருக்கும்.அதுவே Growth spurt. எனப்படும்.

அதிகளவான வேகத்தில் ஒரு மனிதன் வளரும் கட்டங்கள்(growth spurt).

1. கருப்பையின் உள்ளே - கண்ணுக்குத் தெரியாத கலமாக உருவாகி சில மாதங்களிலேயே 50cm வரை குழந்தை வேகமாக வளர்ந்துவிடும்.

2.பிறந்ததிலிருந்து முதலிரு வருடங்கள் - இதற்குப் பிறகும் தொடர்ந்து குழந்தை வளர்ந்து கொண்டே இருக்குமானாலும் அதன் வளர்ச்சி வேகம் குறைவானதாகவே இருக்கும்.

3.பூப்படையும் காலத்தில் ஏற்படும் வளர்ச்சி இருபாலாரிலும் பூப்படையும் காலத்தில் மீண்டும் வளர்ச்சிவேகம் சடுதியாக அதிகரிக்கும். குழந்தைகள் பூப்படையும் பருவத்தில் சடுதியாக உயரத்தில் அதிகரிப்பதை எல்லோரும் அனுபவத்திலேயே பார்த்திருப்போம்..

பூப்படையும் பருவத்தில் ஏற்படும் வளர்ஹ்சி அதிகரிப்போடு ஒரு மனிதனின் உயர வளர்ச்சி முற்றுப் பெற்றுவிடும். எலும்புகளின் வளர்ச்சிக்குப் பொறுப்பாக இருக்கும் அமைப்பு செயல் இழந்து எலும்போடு கலந்துவிடுவதால்

அதற்கப்புறம் யாராலும் உயரத்தில் வளர முடியாது.

பூப்படைதல் செயற்பாடு முடிவடைவதோடு வளர்ச்சியும் முடிவடைந்து விடும்.

பெண்களிலே பூப்படைதல் 8 வயதளவிலே ஆரம்பித்து 14 -15 வயதளவிலே முற்றுப் பெற்று விடும்.

ஆண்களிலே பூப்படைதல் 9 வயதிலே ஆரம்பித்து 15-16வயதளவில் முடிவடைந்திவிடும்.

அத்தோடு அவர்களின். வளர்ச்சியும் முடிவடைந்துவிடும்.

இதுவே பொதுவாக சாதாரனமானவர்களில் நடைபெறும் செயற்பாடாகும்.

பி.கு- எனது முன்னைய இந்தப் பதிவிலே பின்னூட்டம் இட்ட நண்பர்களின் சந்தேகம் இப்போது தீர்ந்திருக்கும் என்று நினைக்கிறேன்.

அங்கு பின்னூட்டம் இட்ட ஒரு நண்பர் மனிதன் 21 வயது வரை வளர்வதாக சுஜாத்தா சொல்லியிருப்பதாக சுட்டிக் காட்டினார். சுஜாத்தா .சரியான தகவலை பெறாமல் அல்லது தவறாக புரிந்து கொண்டு எழுதியிருப்பார்.விட்டு விடுங்கள்..

வேலைக்குப் போகும் பெண்கள் எவ்வாறு தாய்ப்பால் கொடுக்கலாம்?

2010-11-30T00:17:00.000-08:00

கேள்வி

டாக்டர் ! நீங்கள் ஒரு பதிவில் குழந்தைகளுக்கு ஆறு மாதம் வரை தாய்ப்பால் மட்டுமே கொடுக்க வேண்டும் என்று எழுதி
இருந்தீர்கள். நான் இருக்கும் நாட்டில் மூன்ருமாதத்திலேயே வேலைக்குப் போக வேண்டும். இதற்கு நான் என்ன செய்ய வேண்டும்?
புட்டிப்பால் கொடுத்தால் குழந்தைக்குப் பிரச்சினை ஏதாவது ஏற்படலாமா?

பதில்

நீங்கள் வேலைக்குப் போவதால் புட்டிப் பால்தான் கொடுக்க வேண்டும் என்றில்லை இல்லை.நீங்கள் வேலைக்குப் போகும் நாட்களில்
உங்கள் தாய்ப்பாலை ஒரு சுத்தமான கண்ணாடிப் பாத்திரத்திலேயே எடுத்து(கறந்து ) வைத்து விட்டுப் போங்கள்.
வீட்டிலேயே குழந்தையை பார்த்துக் கொள்பவர்களை புட்டிப் பாலுக்குப் பதிலாக உங்கள் தாய்ப்பாலைக் கொடுக்கச் சொல்லுங்கள்.

தாய்ப்பால் குளிரூட்டி இல்லாமல் நான்கு மணிநேரம் வரை பழுதடையாமல் இருக்கும்.
குளிரூட்டியில் வைத்தால் பல வரங்கள் வரை பழுதாகாமல் இருக்கும்.
அதே நேரம் தாய்ப்பாலை deep freezer யில் வைத்தால் பல மாதங்கள் வரை பழுதாகாமல் இருக்கும்.

அதனால் வேலைக்குப் போவதொன்றும் தாய்ப்பால் கொடுப்பதற்கான தடை அல்ல.

பிரேதங்களை வெட்டிப்படிக்கும் வீடியோ

2010-11-29T16:10:00.000-08:00

விலங்கியல் மாணவர்கள் தேரை, எலி போன்றவற்றை வெட்டிப் படிப்பதைப் போல மனிதனைப் பற்றி படிக்கும் மருத்துவ மாணவர்கள் மனிதனை வெட்டியா படிக்கிறார்கள் என்று உங்களுக்கு சந்தேகம் ஏற்படலாம்.

ஆம் அவர்கள் மனித உடல்களை வெட்டித்தான் படிக்கிறார்கள்.

அனாட்டமி(Anatomy) எனப்படும் உடற் கூற்றியல் பாடத்திற்காக மனிதர்களின் உடல்களை வெட்டியே மருத்துவ மாணவர்கள்செய்முறைப் பயிற்சியைச் செய்கிறார்கள். நீங்கள் ஒன்று அச்சப்பட வேண்டாம் அவர்கள் வெட்டுவது இறந்தவர்களின் உடலைத்தான்.

பொதுவாக வைத்திய சாலையில் இருக்கும் யாராலும் உரிமை கோரப்படாத உடல்களே இதற்காகப் பயன்படும்.ஆனாலும் இதற்காக தங்கள் உடலை தானம் செய்யும் நபர்களும் இருக்கிறார்கள்.நீங்களும் விரும்பினால் உங்கள்

உடலை ஏதாவது ஒரு மருத்துவக் கல்லூரிக்கு தானம் செய்யலாம்.

ஒவ்வொரு உடலும் இரசாயனங்கள் மூலம் பதப்படுத்தப்பட்டு குறிப்பிட்ட மாணவ குழுக்களுக்கு பொறுப்பாக வழங்கப்படும்.அந்த மாணவர்கள் அந்த உடலை கிட்டத்தட்ட இரண்டு வருட காலத்திற்கு கற்றல் நடவடிக்கைக்காக பயன்படுத்த வேண்டிவரும்.

இரண்டு வருடத்திற்கு ஒரே உடலை பயன் படுத்துவதா என்று சந்தேகப் பட வேண்டாம். அது பழுதடையாமல் முறைப்படி பதப்படுத்தப் பட்டே பயன்படுத்தப்படும். அவ்வாறு பதப்படுத்தப்பட்ட உடல் கடாவர் எனப்படும்.

நான் படித்த கல்லூரியில் கையில் கையுறை போடுவதற்கு கூட அனுமதியில்லை. வெறும் கையோடுதான் வெட்ட வேண்டும்.

கீழே அவ்வாறு பதப்படுத்தப் பட்ட உடலை வெட்டுவது சம்பந்தமான வீடியோக்கள் உள்ளன தைரியமானவர்கள் மட்டும் பார்க்கவும்.

நெஞ்சுக் குழியினுள்ளே (நடுவில் இருப்பது இதயம்)

தாய்ப்பால் கொடுக்கும் பெண்கள் அறிய வேண்டியவை

2010-11-29T05:44:00.000-08:00

குழந்தைக்கு ஒரு நாளைக்கு எத்தனை தடவை தாய்ப்பால் கொடுக்க வேண்டும்?

பிள்ளை பசியெடுத்து அழுகின்ற ஒவ்வொரு சந்தர்ப்பத்திலும் கொடுங்கள். எத்தனை தடவை கொடுக்க வேண்டும் என்று வரையறை இல்லை. குழந்தைகளின் இரப்பை மிகவும் சிறியது என்பதால் அதிகமான உணவை ஒரே தடவியில் ஏற்று சமிபாடு அடையச் செய்ய முடியாது. அதனால் அடிக்கடி கொஞ்சம் கொஞ்சமாகத்தான் கொடுக்க வேண்டும்.

எவ்வளவு காலத்திற்கு தாய்ப்பால் கொடுக்க வேண்டும்?

இதற்கும் வரையறை இல்லை .எத்தனை வருடத்திற்கு வேண்டுமானாலும் கொடுக்கலாம். எந்தப்பாதிப்பும் ஏற்படாது. ஆனாலும் முதல் 5-6 மாதத்திற்கு தாய்ப்பால் மட்டுமே கொடுக்க வேண்டும். ஆறு மாத முடிவில் தாய்ப்பாளினால் தனியே குழந்தைக்குரிய போசாக்கினை வழங்க முடியாது போவதால் மற்றைய உணவுகளை ஆரம்பிக்க வேண்டும்.

தாய்ப்பால் கொடுக்கும் பெண் கர்ப்பம் தரித்தால் தொடர்ந்து தாய்ப்பால் கொடுக்கலாமா?

நிச்சயமாக .அதனால் எந்தப் பாதிப்பும் ஏற்படாது.

தாய்ப்பால் சுரப்பதை அதிகரிக்கச் செய்வது எப்படி?

தொடர்ச்சியாக தாய்ப்பால் கொடுக்கவேண்டும். குழந்தை மார்பகத்தை உறிஞ்சும் போதே தாய்ப்பால் சுரப்பு அதிகரிக்கும்.அதுதவிர தாய் போதியளவு நீராகாரம், பழ ரசம் போன்றவை அருந்த வேண்டும்.

தொடரும்.....

மாரடைப்பிற்கு எவ்வளவு காலத்திற்கு மாத்திரை உட்கொள்ள வேண்டும்

2010-11-29T02:53:00.000-08:00

கேள்வி
வணக்கம் டாக்டர் எனது அம்மாவிற்கு சென்ற மாதம் மாரடைப்பு ஏற்பட்டது. கூடவே பிரசரும் இருப்பதாக சொல்லப்பட்டது.

இப்போது அவருக்கு எட்டு விதமான மாத்திரைகள் வழங்கப்பட்டுள்ளது.

இந்த மாத்திரைகளை அவர் வாழ்நாள் முழுவதும் உட்கொள்ள வேண்டுமா?

மாதத்திற்கு .. வரை மாத்திரைகளுக்காக செலவு செய்ய வேண்டியுள்ளது

பதில்

மாரடைப்போடு பிரஷர் நோயும் இருப்பதால் அவர் வாழ்நாள் முழுவதும்

மாத்திரை எடுத்தே ஆக வேண்டும்.ஆனாலும் சில மாதங்களில் சில மாத்திரைகள் நிறுத்தப்படலாம். ஆனாலும் எட்டு மாத்திரைகளையும் குறைந்தது ஆறு மாதத்திற்காவது பாவிக்க வேண்டும்.

மூட்டு நோய் - SLE

2010-11-29T02:22:00.000-08:00

SLE (Systemic lupus erythematosus )எனப்படுவது ஒரு தன்னிச்சைக் கல அழிப்பு நோயாகும்(Autoimmune disease). தன்னிச்சைக் கல அழிப்பு நோய் எனப்படுவது எமது உடலைப் பாதுகாப்பதற்காக இருக்கின்ற நிர்ப்பீடனத் சக்தி அதாவது நோய் எதிர்ப்புச் சக்தி எமது உடலின் கலங்களையே அழித்துவிடுவது. ( வேலியே பயிரை மேய்வதைப் போல)

இது பெண்களிலேதான் அதிகம் ஏற்படும்.ஆண்களிலே அரிதாகத்தான் ஏற்படும்.

இது பல்வேறுவிதமான பாதிப்புக்களை உடம்பிலே ஏற்படுத்தலாம்.

இதன் அறிகுறிகளாவன

பசியின்மை , தசை /உடம்பு வலி, சோர்வான நிலை

மூட்டு வலிகள் -இவை கைவிரல் மூட்டு போன்ற சிறியவகை மூட்டுக்கலையே பாதிக்கும்.நிறைய விதமான பாதிப்புக்களை இந்த நோய் ஏற்படுத்தினாலும் பிரதானமான பாதிப்பு மூட்டுக்களிலேயே ஏற்படும்.

அடுத்து தோலிலே ஏற்படும் தழும்புகள் (Rashes)முக்கியமானவை. குறிப்பாக முகத்திலே ஏற்படும் தழும்பு.

இது வண்ணத்துப் பூச்சி வடிவிலே இருப்பதால் butterfly rash என்று அழைக்கப் படும்.இவை சூரிய ஒளி படுவதானால் அதிகரிக்கும்(photo sensitive).

முகத்தில் ஏற்படும் வண்ணத்துப் பூச்சித் தழும்பு

அடுத்து இந்த நோயினால் சுவாசப் பை மற்றும் இதய மென்சவ்வுகளில் அழற்சி ஏற்படலாம்.

(pleritis and pericarditis)

சிறு நீரகங்களிலே பாதிப்பு ஏற்பட்டு உயர் குருதி அமுக்கம் ஏற்படலாம்(Hyper tension).இறுதியில் சிறுநீரகச் செயல் இழப்பும் ஏற்படலாம்(Renal failure).

மூளையிலே ஏற்படும் பாதிப்பால் வலிப்பு (Fits)ஏற்படலாம்.

குருதிக் குழாய்களில் அழற்சி ஏற்படலாம்(vasculitis).

தலை முடி உதிர்தல்(alopecia), குளிரான நேரத்தில் விரலுக்கு செல்லும் குருதியின் அளவு குறைவதால் விரல்

நுனிகள் நீலமாகுவதுடன் வலி ஏற்படும் raynaud`s phenomena எனப்படும்

பிரச்சினை தோன்றலாம்.

இந்த நோய்விட்டு விட்டே பாதிப்புக்களை ஏற்படுத்தும்.அதாவது நோய் ஏற்பட்டு மருந்து எடுத்தவுடன் சுகமாகி சிறிது காலத்தில் மீண்டும் ஏற்படும். இடைப்பட்ட காலத்தில் சுகதேகியாக இருப்பார்கள்.

இந்த நோய் பூரணமாகக் குணப்படுத்தப் பட முடியாதது.

ஆனாலும் மாத்திரைகள் மூலம் கட்டுப்படுத்தப்படக் கூடியது.

இந்த நோய்க்கான மருந்து இரண்டு வகைப்படும்.

1.நோய் தீவிரமான நிலையில் கொடுக்கப்படும் மருந்து

இது நோய் ஏற்பட்டுள்ளவர்களுக்கு தற்காலிகமாக அவர்களின் வலியினைப் போக்குவதற்காக கொடுக்கப் படுவது.

2.நோயினைக் கட்டுப்பாட்டில் வைத்திருப்பதற்கான மருந்து

இந்த மருந்தினை தொடர்ச்சியாகப் பாவிப்பதன் மூலம் மீண்டும் நோய் ஏற்படாமலோ அல்லதுநோயின் தாக்கம் அதிகைப்பதையோ தடுக்கலாம்.

நோயுள்ளவர்கள் சூரிய ஒளியில் இருந்து தங்களைப் பாதுகாத்துக் கொள்வதன் மூலம் தழும்புகளால்(Rashes) ஏற்படும் பாதிப்புக்களைக் குறைத்துக் கொள்ள முடியும்.

இந்த நோய் ஏற்பட்டவர்களுக்கு சிறுநீரகம், மூளை போன்றவை பாதிக்கப்படுவதற்கான சந்தர்ப்பம் அதிகம்.

இதய நோய்கள்,இரத்தப் புற்று நோய்கள் ஏற்படுவதற்கான சந்தர்ப்பமும் அதிகம்.ஆகவே இந்த நோயாளிகள் வைத்தியரின் அறிவுறுத்தல் படி நடந்து இந்த பாதிப்புகள் ஏற்படுவதைத் தவிர்க்க வேண்டும்.அதையும் மீறி அவை ஏற்படும் போது ஆரம்பத்திலயே அடையாளம் காணப்பட வேண்டும்.

இந்த நோய்க்கான மாத்திரை பாவிப்பவர்களுக்கு பக்க விளைவாக கிருமித் தொற்றுகள் ஏற்படுவதற்கான சந்தர்ப்பம் அதிகம்.ஆகவே அவர்களுக்கு சிறிதளவான காய்ச்சல் ஏற்பட்டாலேயே உடனே வைத்தியரை நாட வேண்டும்.

வளைந்திருக்கும் ஆணுறுப்புக்கள்!

2010-11-28T22:50:00.000-08:00

எல்லா ஆண்களிலும் ஆணுறுப்பு விறைப்படையும்போது போது நேராக இருப்பதில்லை.சில பேருக்கு நாப்பத்தைந்து டிக்கிரி வரைகூட வளைவு இருக்கலாம்.

அதிகமாக வளைவு சில நோய்களின் போதும் ஏற்படலாம். ஆனாலும் இந்த நோய்களுக்கு தீர்வுகள் உள்ளன.இதனால் உங்கள் இல்லறமே பாதிக்கப்படும் என்று அச்சம் கொள்ள வேண்டியதில்லை.

இனி ஆணுறுப்பிலே வளைவை ஏற்படுத்தக் கூடிய சில நோய்களைப் பார்ப்போம்!

ஹைப்போ ஸ்பாடியாசிஸ்(Hypospadiasis)

படங்கள் (போது இடத்தில் பார்க்க வேண்டாம்)

சாதாரணமாக சிறுநீர் மற்றும் விந்து வெளியேறும் துளையான்து ஆணுறுப்பின் நுனியில்தான் இருக்கும் .ஆனால் இந்த நோயினால் பாதிக்கப் பட்ட ஆண்களுக்கு அத்துளையானது நுனிப்பகுதியில் அல்லாமல் அடிப்புறமாக ஆணுறுப்பின் தண்டுப் பகுதியில் இருக்கும். இதனால் ஆணுறுப்பு வளைந்துள்ளது போன்ற தோற்றம் ஏற்படலாம்.

இதற்கு சத்திர சிகிச்சை மூலம் வேறு ஒரு துளையை ஆணுறுப்பின் நுனியில் ஏற்படுத்துவதன் மூலம் தீர்வு காணப்படலாம்.

பைமொசிஸ் (phimosis)

படங்கள் (போது இடத்தில் பார்க்க வேண்டாம்)

பொதுவாக ஆணுறுப்பு விறைப்படையும் போது அதன் முன் தோல் பின்நோக்கி இழுபடும் . ஆனால் சில பேரிலே இந்த முன் தோல் பின்நோக்கி இழுபட முடியாமல் இருக்கும். இதனால் ஆணுறுப்பிலே சில வேளைகளில் வளைவு ஏற்படலாம்.

இதற்கு சிறிய சத்திர சிகிச்சை மூலம் தீர்வு காணப் படலாம். இந்த சத்திர சிகிச்சை circumcision எனப்படும் , இது முஸ்லிம் மக்கள் செய்து கொள்ளும் சுன்னத்து எனப்படும் செயன் முறையாகும்.

சிறுநீர் வழிச் சுருக்கம்.(urethral stricture)

சிறுநீர் வெளியேறும் குழாய் போன்ற அமைப்பு ஆணுறுப்பின் உள்ளே இருக்கிறது. அது urethra எனப்படும். இது சுருங்குவதால் ureththral stricture) ஏற்படுகிறது. இதனால் கூட ஆணுறுப்பு வளைந்துள்ளது போன்ற மாயை ஏற்படலாம்.

பயரோநியஸ் நோய் (Peyronie's disease )

படங்கள் (போது இடத்தில் பார்க்க வேண்டாம்)

இந்த நோயினால் பாதிக்கப்பட்ட ஆணுறுப்பிலே தோலுக்குக் உள்ளாக இருக்கும் பகுதி சற்று தடிப்பு(கடினமடைவதால்) அந்த ஆணுறுப்பு விறைப்படையும் போது இவ்வாறு தடிப்படைந்த பகுதியை நோக்கி வளைந்து காணப்படும்.

சில வேளைகளில் அவர்களுக்கு வலி கூட ஏற்படலாம்.

சில ஆண்களிலே உடலுறவிலேயும் பாதிப்பை ஏற்படுத்தலாம்..

முக்கியமாக இதனால் பாதிக்கப்பட்ட ஆண்களுக்கு மனதளவிலே பெரிய அழுத்தங்கள் ஏற்படலாம்.அதுவே அவர்களின் இல்லறத்தைப் பாதிக்கலாம்.

இந்த நோயின் அறிகுறிகள்

இது படிப்படியாக ஏற்படலாம் அல்லது சிலரிலே சடுதியாகக் கூட ஏற்படலாம்.

முக்கிய அறிகுறி ஆணுறுப்பு விறைப்படையும் போது ஒருபக்கமாக வளைந்திருத்தல்.அநேகமானவர்களில் இந்த வளைவு மேல் நோக்கியதாகவே இருக்கும். ஆனாலும் சிலபேரில் கீழ் நோக்கியதாக அல்லது பக்கவாட்டில் இருக்கலாம்.

அடுத்த முக்கியமான அறிகுறி ஆணுறுப்பிலே வலி ஏற்படுதல்.

சில பேரிலே விறைப்புத்தன்மை ஏற்படுவதையே இது தடுக்கலாம்.

சிலவேளைகளில் ஆணுறுப்பு சிறிதாவது போன்ற தோற்றம் ஏற்படலாம்.

இது என்ன காரணத்தால் ஏற்படுகிறது?

சரியான காரணம் அறியப்படா விட்டாலும் , இது ஆணுறுப்பிலே ஏற்படும் காயங்கள் காரணமாக ஏற்படும் தழும்புகள் காரணமாகவே ஏற்படுவதாக சொல்லப் படுகிறது.

புகைப் பிடிப்பவர்களுக்கும் , நீரழிவு நோயாளிகளுக்கும் இந்த நோய் ஏற்படுவதற்கான சந்தர்ப்பம் அதிகம் என்று சொல்லப் படுகிறது.

இந்த நோயினால் பாதிக்கப்பட்டவர்கள் எப்போது வைத்தியரை நாட வேண்டும்?

இந்த நோய் இருக்கும் எல்லா ஆண்களிலும் இது வலியை ஏற்படுத்துவதில்லை. அதே போல வளைவு இருந்தாலும் இது எல்லோரிலும் உடலுறவுக்கு இடையூறாக இருப்பதும் இல்லை.

ஆகவே ஆணுறுப்பிலே ஏற்படும் வளைவு காரணமாக உங்களுக்கு வலி ஏற்பட்டாலோ அல்லது அது உடலுறவுக்கு இடையூறாக இருந்தால் மட்டுமே நீங்கள் வைத்தியம் பெற்றுக் கொள்ள வேண்டியவர்யாகுறீர்கள்.

இதற்கு எவ்வாறான வைத்தியங்கள் செய்யப்படலாம்?

மாத்திரைகள் மூலம் இதற்கு சரியான தீர்வு கிடைப்பதற்கான சந்தர்ப்பம் மிகக் குறைவு.

சிறிய சத்திர சிகிச்சை மூலம் தடிப்படைந்த பகுதி அகற்றப்படலாம்.

மேலே கேள்வி கேட்ட நண்பர்களுக்கு நான்மீண்டும் சொல்லிக் கொள்ளுவது என்னவென்றால் , நீங்கள் உங்கள் ஆணுறுப்பு வளைந்து இருப்பதாக மட்டுமே சொன்னீர்கள். அது எந்த அளவுக்கு வளைந்து இருக்கிறது என்று கூடசொல்லவில்லை .சிலவேளை அது சாதாரண வளைவாகக் கூட இருக்கலாம்.

இருந்தாலும் நான் கூறியுள்ள விடயங்கள் மூலம் அந்த நோய்களுக்கான சந்தர்ப்பம் உங்களுக்கு உள்ளது என்று நினைத்தாலோ அல்லது இது உங்களுக்கு பாலியல் மற்றும் உளவியல் ரீதியாக பிரச்சினைகளைக் கொடுக்கிறதா என்பதைப் பொறுத்து நீங்கள் வைத்திய வசதியைப் பெற்றுக் கொள்ளுவது உகந்தது.

ஆனாலும் இதனால் உங்களுக்கு உடலுறவிலே ஈடுபடும் தகுதி இல்லை என்று தேவை இல்லாமல் மனத்தைக் குழப்பிக்கொள்ள வேண்டாம்.

பி.கு-
உங்கள் சந்தேகங்களையும் yourdoubt@yahoo.com என்ற முகவரிக்கு அனுப்பி வையுங்கள்.

இந்த இடுகை மற்றவர்களுக்கும் போய்ச் சேரவேண்டியது என்று நினைத்தால் தமிழ் மனத்திலேயும் தமிளிஷிலேயும் வாக்களித்துச் செல்லுங்கள்.

மூட்டு வாதம்-Rheumatoid arthritis

2010-11-28T18:06:00.000-08:00

ஆங்கிலத்திலேயே ரூமடோயிட் ஆர்த்திரைட்டீஸ் என்று அழைக்கப்படும் இந்த மூட்டுகளை தாக்கும் நோய் பொதுவாக சிறிய மூட்டுகளையே தாக்கும்.

அதிகமாக விரலில் உள்ள மூட்டுகளையே தாக்கும். அதைத் தொடர்ந்து மற்றைய மூட்டுகளையும் தாக்கலாம்.

இதன் இயல்புகள்

1.கைவிரல் மூட்டு போன்ற சிறிய மூட்டுகளையே பொதுவாக பாதிப்புக்களை ஏற்படுத்தும்.
2.மூட்டுகள் சமச்சீரான முறையில் பாதிக்கப்படும்.அதாவது உடலின் இருபக்கமும் உள்ள ஒரே வகையான மூட்டுகள் ஒரே நேரத்தில் பாதிக்கப்படும்
3.ஒரே நேரத்தில் பல (நான்கிற்கு மேற்பட்ட) மூட்டுகளில் வலி ஏற்படும்

மூட்டுகளில் ஏற்படும் பாதிப்பு

வலி
மூட்டு வீக்கம்
காலையில் இறுகிய நிலை(morning stiffness)
முழங்கைக்கு சற்றுக் கீழாக சிறிய கட்டிகள் காணப்படுதல் (rheumatoid nodules)

Rheumatoid nodules

மூட்டுவாத நோயென தீர்மானிக்க இந்த பாதிப்புக்கள் பொதுவாக ஆறு வார காலத்திற்கு குறையாமல் இருக்க வேண்டும்.இந்த நோய் தீவிரமாக(active) இருக்கும் நேரத்தில் சிறிதளவான காய்ச்சல் ஏற்படலாம்.

இந்த நோய் ஆரம்ப கட்டத்தில் தொடர்ச்சியாக நோவினைக் கொடுக்காமல் விட்டு விட்டே பாதிப்பை ஏற்படுத்தும்.

இந்த நோயாளிகளுக்கு இரண்டு விதமான மருந்துகள் கொடுக்கப்படும்.

1. நோயினால் ஏற்படும் வலியினை கட்டுப்படுத்தும் மாத்திரைகள்-
வலி இருக்கும் போது மட்டுமே பாவிக்கப்பட வேண்டும்

2.நோய் தீவிரமடைவதைத் தடுக்கும் மாத்திரைகள்-
இவை தொடர்ச்சியாக பாவிக்கப்பட வேண்டும் .

இந்த நோய் பூரணமாகக் குணப்படுத்தப் பட முடியாதது. ஆனால் இது மாத்திரைகள் மூலம் கட்டுப் படுத்தப்படலாம்.

இந்த நோய் உள்ளவர்கள் விடுகின்ற மிகப் பெரிய தவறு ஆரம்ப காலத்தில் நோய் தீவிரமாக உள்ள நேரத்தில் மட்டும் மாத்திரைகளை உட்கொண்டு வலி மறைந்தவுடன் மாத்திரைகள் பாவிப்பதை விட்டு விடுதல்.
அவர்களுக்கு நோயின் தீவிரம் அதிகமாகிக் கொண்டே போவதோடு இறுதியில் மூட்டுகள் நிரந்தரமாகப் பாதிக்கப்படும்.

நிரந்தரமாக பாதிக்கப்பட்ட மூட்டுக்கள்

ஆண்கள் எப்படி பூப்படைகிறார்கள் !

2010-11-28T05:31:00.000-08:00

கேள்வி

பெண்களைப்போல ஆண்களும் பூப்படைவதாகக் கேள்விப்பட்டேன் உண்மையா சார்?

பதில்

ஆம் . கீழே உள்ள சுட்டியைப் பாருங்கள்.

ஆண்கள் எப்படி பூப்படைகிறார்கள் !

அம்மை நோய் தெய்வக் குற்றமா?

2010-11-27T23:35:00.000-08:00

கொப்புளிப்பான் / அம்மை வருத்தம் (chicken pox)என்பது ஒரு வைரசினால் ஏற்படுகின்ற நோயாகும். நம்மவர்கள் நினைத்துக் கொள்வது போல இதற்கும் கடவுள் குற்றத்திற்கும் எந்தவிதமான சம்பந்தமும் இல்லை.

இது நோயுள்ள ஒருவரில் இருந்து இன்னொருவருக்கு காற்றின்
மூலமும் ,தொடுகை மூலமும் பரவலாம்.

இது தானாக சுகமாகிவிடக் கூடியது என்றாலும் இப்போது உள்ள அசிக்குலோவிர் (Acyclovir) எனப்படும் மருந்து மூலம் இதன் தீவிரம் அதிகரிப்பதைத் தவிர்க்கலாம். ஆனால் இந்த மருந்து ஆரம்பத்திலேயே எடுக்கப்பட வேண்டும். இந்த மருந்தினை பாவிப்பவர்கள் அதிகளவு நீர் அருந்த வேண்டும்.

இந்த மருந்தை கட்டாயம் எல்லோரும் அருந்த வேண்டியது இல்லை

இது தானாக சுகமாகக் கூடிய நோய் என்றாலும் கர்ப்பிணிகள் ,மிகவும் சிறிய குழந்தைகள், வயதானவர்கள் மற்றும் நோய் எதிர்ப்புச் சக்தி குறைந்தவர்களில் இது நிறையப் பாதிப்புக்களை ஏற்படுத்தலாம்.

இப்படியானவர்கள் உடனடியாக வைத்தியரை நாட வேண்டும்.
நோயாளிகள் பிரித்து வைக்கப்பட வேண்டுமா?

கர்ப்பிணிகள் , மிகவும் சிறிய வயதுக் க்ளுழந்தைகள் , நோய் எதிர்ப்புச் சக்தி குறைந்தவர்கள் இந்த நோயாளிகளிடம் இருந்து தள்ளி இருப்பது உகந்தது.

எவ்வளவு காலத்திற்கு பிரித்து வைக்க வேண்டும்?

கொப்புளங்கள் முற்றாக காய்ந்து உதிர்ந்து விழும்வரை பிரித்து வைத்து வைத்தால் போதுமானது. இது கிட்டத்தட்ட இரண்டு வாரத்திற்குத் தேவைப்படலாம்.அதற்கப்புறம் நீங்கள் வேலைக்கோ பாடசாலைக்கோ செல்ல முடியும்.

நோய் ஏற்பட்டவர்கள் இளம்சூட்டு நீரினால் குளிக்க வேண்டும். குளித்த பின்பு நன்கு துடைத்து கொப்புளங்களை உலர்வாக வைத்திருக்க வேண்டும்.இல்லாவிடியில் கொப்புளங்களில் பாக்டீரியாக்கள் சேர்ந்து தொற்றுக்களை ஏற்படுத்தலாம்.

முகத்திலே கொப்புளங்கள் ஏற்படுபவர்கள் மிகவும் கவனமாக இருக்க வேண்டும். அவர்களுக்கு கண்களின் உள்ளே கொப்புளங்கள் ஏற்பட்டால் பாரிய பிரச்சினை ஏற்படலாம்.

நோய் ஏற்பட்டவர்கள் விரும்பிய எல்லாவிதமான சாப்பாடுகளையும் சாப்பிட முடியும்.

மாமிசங்கள் சாப்பிடுவதால் நோயின் தீவிரம் அதிகரிப்பதில்லை. அதையும் தாண்டி சமய ரீதியாக மாமிசங்களைத் தவீர்ப்பவர்கள் போதியளவு சத்துள்ள மரக்கறிகளை உட்கொள்ள வேண்டும்.

நோயுள்ள காலத்தில் அதிகமான நீராகாரம் அருந்துங்கள்.

மூட்டு வலி -Osteo arthritis

2010-11-27T19:41:00.000-08:00

மூட்டு வலி பல காரணங்களால் ஏற்படலாம்.

ஆனாலும் வயதானவர்களிலே முழங்கால் மூட்டு போன்ற பெரிய மூட்டுகளிலே ஏற்படுகின்ற வலி பொதுவாக ஒஸ்டியோ ஆர்த்திரைட்டிசினாலேயே ஏற்படுகிறது(Osteo arthritis).
( சிறிய மூட்டுக்களிலும் இது ஏற்படலாம்)

இது பொதுவாக ஒன்று அல்லது இரண்டு மூட்டுக்களையே தாக்கும்.இரண்டுக்கு மேற்பட்ட மூட்டுகளில் வலி ஏற்பட்டால் அது வேறு வகையான நோயாக இருக்க சந்தர்ப்பம் அதிகம்.

இந்த நோய் மூட்டுகளில் எழும்புகள் தேய்வதாலும் ,எழும்பைச் சுற்றி உள்ள சில மென்சவ்வுகள் பாதிக்கப்படுவதாலும் ஏற்படுகிறது.

இதன் அறிகுறிகள்...

மூட்டு வலி , மூட்டு இறுக்கமான நிலை , சிலவேளைகளில் சிறிதளவான வீக்கம்.
சில வேளைகளில் மூட்டினுள்ளே சிறிதளவான நீர் தேங்கலாம்.
சில நபர்களில் கொர கொர என்ற சதம் ஏற்படும்.(மூட்டை அசைக்கும் போது)

இதற்கு மருந்தாக பரசிட்டமோல் போன்ற வலி நிவாரணிகளை பாவிக்கலாம். அத்தோடு வீரியம் கூடியவலி நிவாரணிகளை நோய் ஏற்பட்ட மூட்டின் மேல் பூச்சாக பயன்படுத்தலாம்.

பரசிட்டமோல் தவிர்ந்த மற்ற நோய் நிவாரணிகளை தொடர்ச்சியா வாய் வழியாக உள்ளெடுப்பது பல பக்க விளைவுகளை ஏற்படுத்தும் முக்கியமாக சிறுநீரக பாதிப்பு ஏற்படலாம் .

வலி நிவாரணிகள் தவிர மூட்டிற்கு செலுத்தப்படும் விசையை குறைப்பதற்கு விசேடமாகத் தயாரிக்கப்பட்ட சொக்ஸ் போன்றவற்றையும் பாவிக்கலாம்.

நடப்பதில் சிரமம் உள்ளவர்கள் கைத்தடி பாவிக்கலாம். கைத்தடி பாதிக்கப்பட்ட பக்கத்திற்கு எதிர்ப்பகத்திலேயே பாவிக்கப்படவேண்டும்.

உடற் பருமனானவர்கள் உடல் நிறையைக் குறைப்பது கட்டாயம். இல்லாவிடில் இந்த நோயின் தீவிரம் அதிகரித்துக்கொண்டே போகும்.

மூட்டு வலி ஏற்பட்டவர்கள் எப்போது உடனடியாக வைத்தியரை நாட வேண்டும்?

இரண்டுக்கு மேற்பட்ட மூட்டுகளில் வலிஎற்படுதல்
மூட்டு வலியோடு காய்ச்சல் ஏற்படுதல்
மூட்டுகள் அதிகமாக வீங்குவதுடன் சூடாக இருத்தல்
மூட்டு வலியோடு பசிக்குறைவு/உடல் மெலிதல் போன்றவை உள்ளவர்கள் .

பிறப்பு உறுப்பிலே இருந்து வெளிப்படும் திரவங்கள்

2010-11-27T16:14:00.000-08:00

ஒரு பெண்ணின் பிறப்பு உறுப்பிலே(VAGINA) இருந்து திரவம் (நீர் போன்ற ) வெளிப்படுதல் எல்லாப் பெண்களாலும் உணரப்படும் ஒரு நிகழ்வு. பிறப்பு உறுப்பிலே உள்ள சுரப்பிகள்(GLANDS) இந்த திரவத்தன்மையான பதார்த்தங்களை வெளியிட்டு பிறப்பு உறுப்பிலே ஈரத்தன்மையை பேணும்.

இவ்வாறு ஈரத்தன்மை பேணப்படுவது அந்த பெண்ணின் உறுப்பு சுகாதரனமாக்(HEALTHY AND CLEAN) இருப்பதற்கு அத்தியாவசியமாகும். மாதவிடாய் நின்ற பெண்களுக்கு இந்த சுரப்பிகளின் தொழிற்பாடு குறைவதால் அவர்களின் பிறப்பு உறுப்பு உலர்ந்த நிலையை அடைந்து காணப்படும். இதனாலேயே அவர்களுக்கு பாலியல் தொடர்பிலும் நாட்டம் குறையும். மேலும் பல அசொகரியங்க்களை இது கொடுக்கலாம்.

இவ்வாறு சாதாரணமாக வெளிப்படும் திரவமானது , சில பெண்களுக்கு மனரீதியான உளைச்சலைக் கொடுக்கலாம். தங்களுக்கு ஏதொ நோய் இருக்கிறது அதனாலேதான் இந்த நிலை ஏற்படுகின்றது அவர்கள் கூச்சப்பட்டு வெளியில் சொல்ல முடியாமல் மனதிற்குள்ளே வருந்திக் கொண்டிருக்கலாம்.

உண்மையில் பிறப்பு உறுப்பிலே இருந்து வெளிவருகின்ற திரவங்கள் பற்றி ஒவ்வொரு பெண்ணும் தெளிவாக அறிந்து வைத்திருக்க வேண்டியது அவசியமாகும். ஏனெறால் சில நோய்களில் கூட இவ்வாறு திரவங்கள் வெளிவரலாம்.

எவ்வாறு நோய்களினால் வெளிவருகின்ற திரவங்களை சாதாரண திரவங்களில் இருந்து வேறு பிரித்தறிவது?

சாதாரணமாக வெளிவருகிற திரவமானது தெளிவானதாக(CLEAR) எந்த விதமான கெட்ட மனமும் இல்லாததாக இருக்கும்.இது அவர்களின் உள்ளாடையில் பட்டு உலரும் போது பால்(MILKY) போன்ற அல்லது தெளிவானதாக இருக்கும்.இதுவே வெள்ளை படுதல் என்று நம் பெண்களால் அழைக்கப் படுகிறது.

சாதாரணமாக வெளிவரும் திரவம்

மேலும் இந்த திற வெளிப்பாடானது மாதவிடாயின் போது, உடலுறவின் போது, கர்ப்பம் தரித்திருக்கும் போது போன்ற சந்தர்ப்பங்களில் அதிகரிக்கலாம்.

ஆனால் இவ்வாறு இல்லாமல் திரவமானது பச்சை அல்லது மஞ்சள் நிறத்தில் இருக்குமானால், கெட்ட மனமுடையதாக இருக்குமானால், அல்லது தயிர் போன்று தடித்த கட்டி(THICK) போன்ற திரவமாக இருக்குமானால் இது குறிப்பிட்ட சில நோய்களின் அறிகுறியாக இருக்கலாம். இவ்வாறன சந்தர்ப்பத்தில் வைத்தியரை நாடி தகுந்த மறுத்ததை எடுத்து சில நாட்களுக்கு உட்கொண்டாலே போதும் இந்தப் பிரச்சினை சுகமாகி விடும். இது பொதுவாக கிருமிகளின் தொற்றுகளால் ஏற்படும்.

மேலும் இந்தத் திரவமானது மிகவும் சகிக்கமுடியாத மனமுடையதாக , அல்லது இடையிடையே ரத்தம் போகும்போது இது புற்று நோயின் அறிகுறியாக கூட இருக்கலாம்.

ஆக பென்னுருப்பிலே இருந்து திரவம் வெளிப்படுகின்றது என்று அஞ்சினால், முதலில் அதன் தன்மையை அவதானியுங்கள்.

கீழே வரும் மாறன்கள் உங்கள் பிறப்பு வழித் திரவத்தில் இருந்தால் உடனேயே வைத்தியரை நாடுங்கள்.

தயிர் தன்மையான வெள்ளை கட்டிகள் வெளிவருதல்
பச்சை அல்லது மங்க்ச்சல் நிறத் திரவம் வெளிவருதல்
சகிக்க முடியாத மனம் கொண்ட திரவம் வெளிவருதல்
அதிக ரத்தம் போகுதல் அல்லது மாதவிடாய் அல்லாத நேரத்தில் ரத்தம் போகுதல்

இவை எதுவும் இல்லாமல் சாதரணமான பால் போன்ற அல்லது தெளிவான திரவங்கள் வெளிவந்தால் இது உங்களில் மட்டுமல்ல எல்லாப் பெண்களிலும் உங்கள் பிறப்புறுப்பை சுத்தமாக வைத்திருக்க ஏற்படுகின்ற சாதாரணமான நிகழ்வே!

இதற்காக அச்சப் படத்தேவை இல்லை.

மெட்ராஸ் ஐ பற்றி நீங்கள் கட்டாயம் அறியவேண்டியவை

2010-11-27T04:50:00.000-08:00

மெட்ராஸ் ஐ எனப்படுவது கண்ணிலே உள்ள ஒரு மென் சவ்வின் அழற்சியால் ஏற்படுகிறது.இந்த அழற்சி ஒருவகை வைரசினால் ஏற்படும். இதன் அறிகுறியாக கண் சிவப்பாகுதல், வலி ஏற்படுதல் குறிப்பாக வெளிச்சத்தைப் பார்க்கும் போது வலி அதிகரித்தல் போன்றவை.இது தானாக சுகமாகிவிடக் கூடியது.இதனால் பார்வைக்கு எந்தவிதமான பிரச்சனைகளும் ஏற்படாது.

இது பாதிக்கப்படவர்களிடம் இருந்து மற்றவர்களுக்கு தொடுகை மூலமும் காற்று மூலமும் பரவும்.ஆகவே நோயாளி பாவித்த எந்த விதமான பொருட்களையும் மற்றவர்கள் பாவிப்பதை தவிர்க்க வேண்டும்.

மேலும் நோயாளி இருமும் போது கைக்குட்டையால் மூடியபடியே இரும் வேண்டும்.

கண்ணுக்குள் விடும் ஸ்டீரோயிட் (steroid eye drops)மருந்துகள் பாவிப்பது பல பாரதூரமான விளைவுகளை ஏற்படுத்தலாம் .ஆகவே சுயமாக வைத்திய ஆலோசனை இன்றி மருந்துகளை பாவிக்க வேண்டாம்.

பொதுவாக இது ஒரு வார காலத்தினுள் தானாக சரியாகி விடும்.

ஆனாலும் இதனால் அசௌகரியத்தை தவிர்க்க வைத்தியர் உங்களுக்கு கண் சொட்டு மருந்து தரலாம். இதை அவர் சொல்லும் படி ஆறு தொடக்கம் எட்டுத் தடவை பாவிக்க வேண்டும்.

கறுப்புக் கண்ணாடி போடுவதன் மூலம் சூரிய வெளிச்சத்தால் ஏற்படும் அசௌகரியத்தை குறைக்கலாம். கண்ணாடி போடுவதன் மூலம் ஒருவரில் இருந்து இன்னொருவருக்குத் தொற்றுவது குறையாது.

இளஞ் சூடான நீரின் மூலம் ஒத்தடம் கொடுப்பது அசௌகரியத்தைகுறைக்கும்.

முக்கியமாக கண்களை கசக்க வேண்டாம்.